Vybary ŭ Słavaččynie: były aŭtarytarny lider pakidaje palityčnuju scenu
Sacyjał-demakraty sastupili, da ŭłady viartajucca chryścijanskija demakraty.
Sacyjał-demakraty sastupili, da ŭłady viartajucca chryścijanskija demakraty.
Centrapravica pieramahła na parłamienckich vybarach u Słavaččynie. Jak paviedamlaje statystyčnaje ŭpraŭleńnie krainy, jakoje zajmajecca padlikam hałasoŭ, čatyry apazicyjnyja partyi razam atrymali 78 miescaŭ sa 150 u parłamiencie. Havorka idzie pra źmienu ŭłady, bo prezident Słavaččyny vykonvaje cyrymanijalnyja funkcyi.
Papulisckaja partyja premjera Fica «Šlach — sacyjał-demakratyja» sabrała 35% hałasoŭ. Jana atrymaje 62 miescy ŭ pałacie deputataŭ. Adnak słaba vystupali jaje kaalicyjanty. Nacyjanalisty zy Słavackaj nacyjanalnaj partyi atrymali tolki 5,1% hałasoŭ. A voś partyja byłoha aŭtarytarnaha i prarasijskaha lidera krainy Ŭładzimira Mečyjara ŭvohule apynułasia pad 5%-ym barjeram. Im nie dapamahła hulnia antyvuhorskaj kartaj paśla taho jak Budapiešt uvioŭ zakon ab padvojnym hramadzianstvie. Vuhorcy składajuć 11% nasielnictva Słavaččyny i kampaktna pražyvajuć uzdoŭž miažy.
Siarod pravych partyj najlepšy vynik pakazaŭ Chryścijanska-demakratyčny sajuz — 15,4% hałasoŭ, što daje jamu 28 miescaŭ. Ź im błakujucca libierały, jašče adna chryścijanska-demakratyčnaja partyja i partyja vuhorskaje mienšaści. Razam jany kiravali Słavaččynaj na pačatku 2000-ch i pryvialii krainu ŭ ES i NATO.
Nastupnym premjeram 5-miljonnaje słavianskaje nacyi moža stać liderka chadekaŭ Iveta Radzicava.
Ciapier čytajuć
Pamierła palitźniavolenaja Alena Pankova. Paŭhoda nazad jaje asudzili za ŭdzieł u pratestach7
Kamientary