«Niekalki strełaŭ ź blizkaj adlehłaści i adzin — kab dabić». Polskaja palicyja šukaje zabojcu mastaka Siamiona Skrapieckaha
Usiaho było zatrymana try čałavieki, adzin ź jakich užo adpuščany.
Palicyja praciahvaje šukać zabojcu rasijskaha mastaka i błohiera, jaki zahinuŭ 15 červienia ŭ Biełaj-Padlašskaj, piša Most.
Pravaachoŭniki abvierhli infarmacyju, što da zabojstva maje dačynieńnie mužčyna, zatrymany kala ŭvachodu ŭ konsulstva Biełarusi. Usiaho było zatrymana try čałavieki, adzin ź jakich užo adpuščany.
— Złačynca ŭciok ź miesca zdareńnia, — skazaŭ Wyborczej Andžej Fijołek z palicyi Lublinskaha vajavodstva.
— U chodzie maštabnych palicejskich apieracyj adbyłosia zatrymańnie dvuch hramadzian Biełarusi ŭ rajonie konsulstva Biełarusi ŭ Biełaj-Padlašskaj. Udzieł i suviaź hetych mužčyn ź incydentam źjaŭlajucca pradmietam intensiŭnaha vyśviatleńnia, — paviedamili Onet.pl śledčyja.
Pakul nivodnamu ź biełarusaŭ nie vystaŭlena abvinavačańniaŭ. Rajonnaja prakuratura ŭ Biełaj-Padlašskaj pieradaść spravu akruhovaj prakuratury ŭ Lublinie. Śledstva raspačata pa fakcie zabojstva z vykarystańniem ahniastrelnaj zbroi.
Palicyja Biełaj-Padlašskaj paviedamiła, što ŭ horadzie źniatyja błokpasty na vyjezdach. Pa rašeńni vajavodskaha kamiendanta palicyi ŭ Lublinie stvorana śpiecyjalnaja śledčaja hrupa. Supracoŭniki źviartajucca da kiroŭcaŭ, jakija ŭ paniadziełak pamiž 8:30 i 10:30 ruchalisia aŭtamabilami ź videarehistratarami, z prośbaj pieradać zapisy.
Jak raspavioŭ partału Onet ananimny supracoŭnik polskich słužbaŭ, mužčynu zabili strełami ź blizkaj adlehłaści.
— Heta vyhladała jak pakarańnie. Niekalki strełaŭ ź blizkaj adlehłaści i adzin — kab dabić, — skazała krynica. — Rasijanin šmat pisaŭ u sacyjalnych sietkach pra toje, dzie jon budzie. Na žal, byŭ lohkaj cellu, — dadaŭ jon.
Nahadajem, 15 červienia kala 10 ranicy ŭ Biełaj-Padlašskaj, byŭ zabity 44‑hadovy antypucinski mastak-karykaturyst, bard, akcyjanist i błohier Siamion Skrapiecki (sapraŭdnaje imia — Robiert Kuzaŭkoŭ). U svaich rabotach i pierformansach jon krytykavaŭ rasijskija ŭłady, u tym liku Uładzimira Pucina i kiraŭnika Čačni Ramzana Kadyrava. Niekatoryja ź jaho rabot byli pryśviečanyja Alaksandru Łukašenku.
U Biełaj-Padlašskaj siarod biełaha dnia zabili rasijskaha karykaturysta. Jon braŭ udzieł u biełaruskich akcyjach
Zabity ŭ Polščy rasijski mastak adnu z karcin pradaŭ za $20 tysiač i zadanaciŭ USU. Voś što raskazaŭ jaho znajomy biełarus Bochan
Jakija karykatury na Łukašenku rabiŭ zabity ŭ Polščy rasijski mastak
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?18
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2222
Kamientary
Čiełovieka ubivať nielzia. A ubivať odariennoho chudožnika—****