Sud u Hiermanii pryznaŭ Google adkaznym za fejkavuju infarmacyju, zhienieravanuju štučnym intelektam
Sud u Hiermanii pastanaviŭ, što ŠI-ahlady Google (AI Overviews) źjaŭlajucca ŭłasnymi śćviardžeńniami kampanii, a nie prosta pierakazam vynikaŭ pošuku. Hetaje rašeńnie moža mieć značnyja nastupstvy dla ŭsich raspracoŭščykaŭ štučnaha intelektu.
Spravu razhladaŭ Rehijanalny sud Miunchiena. Pryčynaj staŭ vypadak, kali AI Overviews pamyłkova źviazaŭ dvuch miunchienskich vydaŭcoŭ z machlarstvam, «pastkami z padpiskami» i sumnieŭnymi biznes-praktykami. Pry hetym u krynicach, na jakija spasyłaŭsia pošuk, takich śćviardžeńniaŭ nie było — štučny intelekt samastojna abjadnaŭ infarmacyju pra inšyja kampanii i prypisaŭ jaje pazoŭnikam.
Sud adznačyŭ, što tradycyjny pošukavik tolki pakazvaje spasyłki na čužy kantent, a AI Overviews stvaraje novy tekst, analizuje i interpretuje infarmacyju «svaimi słovami». Tamu adkaznaść za takija vykazvańni niasie sam Google.
Arhumient kampanii, što karystalniki mohuć sami pravieryć infarmacyju ŭ spasyłkach, sud adchiliŭ. Na dumku sudździaŭ, toj fakt, što čałaviek moža pravieści dadatkovaje daśledavańnie, nie zdymaje adkaznaści z taho, chto raspaŭsiudžvaje pamyłkovaje śćviardžeńnie.
Taksama sud nie pahadziŭsia z tym, što da AI Overviews pavinny prymianiacca tyja ž praviły abmiežavanaj adkaznaści, jakija dziejničajuć dla zvyčajnych pošukavych sistem. Na dumku suda, AI nie prosta znachodzić čužuju infarmacyju, a stvaraje ŭłasny infarmacyjny pradukt.
Asobna sud zakranuŭ pytańnie svabody vykazvańnia. U rašeńni adznačana, što mierkavańnie, zhienieravanaje ałharytmam, nie źjaŭlajecca asabistym pierakanańniem čałavieka, tamu maje mienšuju stupień abarony ŭ paraŭnańni z čałaviečymi vykazvańniami.
U vyniku sud zabaraniŭ Google raspaŭsiudžvać šerah iłžyvych śćviardžeńniaŭ pra vydaŭcoŭ i ŭskłaŭ na kampaniju 80% sudovych vydatkaŭ. Sud taksama adznačyŭ, što navat vydaleńnie kankretnych adkazaŭ nie harantuje, što ałharytmy nie stvorać padobnyja pamyłkovyja śćviardžeńni znoŭ.
Google zajaviŭ, što ŭkładaje značnyja resursy ŭ palapšeńnie dakładnaści AI Overviews i vyvučaje rašeńnie suda, jakoje pakul nie nabyło kančatkovaj siły. Kampanija padkreślivaje, što AI moža časam hublać kantekst abo niapravilna interpretavać źmiest sajtaŭ.
Heta rašeńnie moža stać važnym precedentam nie tolki dla Google. Kali takaja pravavaja łohika atrymaje padtrymku ŭ vyšejšych sudach abo inšych krainach, padobnyja patrabavańni mohuć zakranuć i inšych pastaŭščykoŭ hienieratyŭnaha štučnaha intelektu, jakija stvarajuć adkazy na asnovie materyjałaŭ ź internetu.
Štučny intelekt stvaryŭ univiersalnuju vakcynu ad usich karanavirusaŭ
Dziaŭčyna stvaraje miłyja VIDEA ź biełaruskich haradoŭ u styli hulni The Sims
Anthropic zaklikaje da hłabalnaj paŭzy ŭ raspracoŭcy ŠI, papiaredžvajučy pra ryzyku «samaŭdaskanaleńnia»
Štučny intelekt rašyŭ matematyčnuju zadaču, jakaja 80 hadoŭ staviła navukoŭcaŭ u tupik
Ciapier čytajuć
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?16
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2222
Kamientary
Žiełanije modierirovať i naživaťsia na riesursach, sozdannych v svobodnych stranach - bieskoniečno.