Biełaruskaja delehacyja na čale z namieśnikam ministra ekanomiki Anatolem Fiłonavym praciahvaje ŭ Maskvie pieramovy pa hazie.
Pra heta paviedamiŭ žurnalistam aficyjny pradstaŭnik hazavaha chołdynhu Siarhiej Kupryjanaŭ.
«Biełaruskaja pieramoŭnaja hrupa znachodzicca ŭ «Hazpromie», kantakty praciahvajucca», — cytuje Kupryjanava RIA Novosti. Pradstaŭnik kampanii dadaŭ, što tempy źnižeńnia pastavak hazu ŭ Biełaruś buduć zaležać ad vynikaŭ pieramoŭ.
Delehacyja na čale ź Fiłonavym adpraviłasia ŭ Maskvu 20 červienia.
Papiaredni raund pieramoŭ pa prablemie zapazyčanaści za haz prajšoŭ 19 červienia ŭ Sankt‑Pieciarburhu, ale zaviaršyŭsia biezvynikova.
Ranicaj 21 červienia kiraŭnik «Hazproma» Alaksiej Miler paviedamiŭ prezidentu RF Dźmitryju Miadźviedzievu, što Biełaruś pryznaje doŭh za haz, ale prapanoŭvaje rabić apłatu mašynami, abstalavańniem i inšymi tavarami.
U adkaz prezident RF zaŭvažyŭ, što ŭ adpaviednaści z rasijskim zakanadaŭstvam zamiežnyja płaciažy mohuć prymacca tolki ŭ zamiežnaj valucie — inakš heta supiarečyć zakonu. «Hazprom» ničym nie moža prymać apłatu za doŭh: ni pirahami, ni masłam, ni syram, ni inšymi srodkami płaciažoŭ», — padkreśliŭ prezident Rasii.
U 9.00 pa minskim časie «Hazprom» uvioŭ režym abmiežavańnia pastaŭki rasijskaha hazu ŭ Biełaruś na 15% ad abjomaŭ płanavaj pasutačnaj pastaŭki hazu z pastupovym vychadam na ŭzrovień abmiežavańnia da 85% praparcyjanalna zapazyčanaści.
