Uzbrojenyja siły Ukrainy ŭpieršyniu źbili rasijski źniščalnik z dapamohaj źniščalnika F-16. Pra heta zajaviŭ staršynia Abjadnanaha kamiteta načalnikaŭ štaboŭ ZŠA hienierał Den Kiejn.
«Niadaŭna my stali śviedkami pieršaha pavietranaha boju, u jakim ukrainski F-16 źbiŭ rasijski źniščalnik. Za apošnija niekalki hadoŭ dziakujučy padtrymcy šmatlikich partnioraŭ Ukraina značna ŭzmacniła svaju ešałanavanuju sistemu abarony», — skazaŭ Kiejn padčas słuchańniaŭ u Kamitecie Sienata ZŠA pa asihnavańniach.
Hienierała spytali, jak na Ukrainu moža paŭpłyvać spynieńnie finansavańnia sistem supraćpavietranaj abarony. Kiejn adkazaŭ, što Kijeŭ pravodzić «nievierahodnuju pracu» pa raźvićci ŭłasnaj abaronnaj pramysłovaści.
«Heta datyčycca jak mahčymaściaŭ kłasa «ziamla — pavietra», tak i mahčymaściaŭ kłasa «pavietra — pavietra»», — adznačyŭ hienierał.
Na pačatku lipienia hetaha hoda Pavietranyja siły Ukrainy paviedamili pra źniščeńnie na ŭschodnim kirunku čarhovaha rasijskaha šmatmetavaha źniščalnika Su-35. Z dapamohaj jakoha ŭzbrajeńnia byŭ źbity samalot, ukrainskija vajskoŭcy nie ŭdakładnili.
Pieršaha namieśnika hiendyrektara «Biełviesta» pasadzili na try z pałovaj hady za palityku5
Pieršaha namieśnika hiendyrektara «Biełviesta» pasadzili na try z pałovaj hady za palityku
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca1717
Kamientary