Biełaruska-kitajskaje pradpryjemstva «BiełDžy», raźmieščanaje ŭ Barysaŭskim rajonie Minskaj vobłaści, vypuściła svoj 200‑tysiačny aŭtamabil. Jubilejnaj mašynaj staŭ haradski krasovier Belgee X50+ u kamplektacyi Prestige, afarbavany ŭ koler «sini mietalik», paviedamlaje ahienctva «Aŭtastat» sa spasyłkaj na pres-słužbu pradpryjemstva.
Vytvorčaść madeli Belgee X50+ pačałasia ŭ siaredzinie krasavika 2026 hoda. Tady ž pradpryjemstva adkryła pryjom zakazaŭ, a ŭžo 24 krasavika aŭtamabil źjaviŭsia ŭ prodažy ŭ dylerskich centrach.
Novy krasovier maje daŭžyniu 4380 mm, kołavuju bazu 2600 mm, šyryniu 1810 mm i vyšyniu 1615 mm. Darožny praśviet u 182 mm dazvalaje ŭpeŭniena ekspłuatavać aŭtamabil nie tolki ŭ haradskich umovach, ale i na hruntavych, zaśniežanych abo brudnych darohach.
U Biełarusi Belgee X50+ prapanujecca ŭ troch kamplektacyjach — Comfort, Luxury i Flagship. Košt aŭtamabila pačynajecca ad 57,9 tysiačy rubloŭ.
Sumiesnaje pradpryjemstva «BiełDžy» było stvorana ŭ 2011 hodzie. Pieršy aŭtamabil na im sabrali ŭ lutym 2013 hoda, a ŭ 2017 hodzie zapuścili zavod poŭnaha cykłu pa vytvorčaści aŭtamabilaŭ Geely. Ahulny abjom inviestycyj u prajekt skłaŭ kala 400 miljonaŭ jeŭra, u tym liku značnuju častku zabiaśpiečyŭ kitajski kredyt.
Z 2023 hoda pradpryjemstva atrymała licenziju na vypusk aŭtamabilaŭ pad ułasnaj markaj Belgee. Pieršaj takoj madellu staŭ krasovier Belgee X50, stvorany na bazie pieršaha pakaleńnia Geely Coolray. Paźniej u liniejcy źjavilisia krasovier X70 i siedan S50, a ŭ 2025 hodzie było pryniata rašeńnie naładzić vypusk čatyroch madelaŭ elektramabilaŭ, u tym liku hibrydnaha Belgee X80.
Pradpryjemstva zajmaje terytoryju płoščaj 118 hiektaraŭ i raźličana prykładna na 2300 supracoŭnikaŭ. U 2024 hodzie na zavodzie było vypuščana bolš za 90 tysiač aŭtamabilaŭ. U pačatku 2026 hoda «BiełDžy» adznačyła vypusk 150‑tysiačnaha aŭtamabila, a ciapier dasiahnuła novaha rubiažu — 200 tysiač vypuščanych mašyn.
Ciapier čytajuć
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca1313
Kamientary