Taki prahnoz na asnovie ŭłasnych raźlikaŭ robić novy ŭdzielnik kamandy kandydata Źmicier Marčuk z BNF.
Źmicier Marčuk.
Staršynia supołki Biełaruskaha Narodnaha Frontu Kastryčnickaha rajona Minska Źmicier Marčuk taksama padtrymaŭ rašeńnie šerahu siabroŭ partyi supracoŭničać z kamandaj Andreja Sańnikava. Vystupajučy 23 červienia na pres-kanfierencyi, sp. Marčuk nahadaŭ pra svaje daśledavańni ŭpłyvu astrałohii na losy palitykaŭ. Tak, u 2005 hodzie Źmicier Marčuk vyvučyŭ akaličnaści pieramohaŭ Michaiła Harbačova, Vaisłava Kaštunicy i Viktara Juščanki. Pa jaho słovach, va ŭsich vypadkach, pieramožcam dapamoh spryjalny astrałahičny prahnoz. U hetym hodzie, pavodle raźlikaŭ kiraŭnika Kastryčnickaj supołki, zorki abiacajuć pieramohu Sańnikavu. Akramia spryjalnaha astrałahičnaha prahnozu, padkreśliŭ Marčuk, u Sańnikava jość jašče vielizarny prafiesijny vopyt i dośvied palityčnaj baraćby.
