Jeŭrakamisija aštrafavała 17 vytvorcaŭ santechniki na 622 młn jeŭra za stvareńnie kartela i zmovu ŭ dačynieńni da ich cenavaj palityki, paviedamlaje BBC.
Metaj stvoranaha na 12 hadoŭ kartela było rehulavańnie cenaŭ na rynku vannaŭ, rakavinaŭ i vodapravodnych kranaŭ u Hiermanii, Aŭstryi, Italii, Bielhii, Francyi i Niderłandach.
Jeŭrakamisija nazvała dadzienuju praktyku kampanij «surjoznym parušeńniem praviłaŭ kankurencyi Jeŭrasajuza».
Tym nie mienš, JEK nakłała štraf na kampanii nie z metaj zrabić ich niazdolnymi da viadzieńnia biznesu. Tamu štraf byŭ panižany dla piaci kampanij da ŭzroŭniu, adpaviednaha ich finansavamu stanovišču, a adna kampanija, italjanskaja Masco, była vyzvalenaja ad vypłaty štrafu, tamu što jana pieršaj paviedamiła pra isnavańnie kartela.
U śpis aštrafavanych trapili takija kampanii, jak amierykanskaja Ideal Standard (joj daviadziecca zapłacić samy bujny štraf — 326 młn jeŭra), Artweger, Cisal, Dornbracht, Duravit, Duscholux, Grohe, Hansa, Kludi, Mamoli, Masco, RAF, Roca, Sanitec, Teorema, Villeroy & Boch i Zucchetti.
