70‑hadovuju piensijanierku asudzili na 15 hadoŭ za danaty na USU. Paśla prysudu jana zaśpiavała «Ridna mati moja»
Akupacyjny rasijski sud abvinavaciŭ jaje ŭ dziaržzdradzie.
70‑hadovuju Śviatłanu Łoj z akupavanaj Zaparožskaj vobłaści asudzili za danaty na ahulnuju sumu 63 tysiačy rasijskich rubloŭ (750 dalaraŭ) na USU. Piensijaniercy dali 15 hadoŭ kałonii — jaje dziejańni paličyli «dziaržzdradaj».
Paśla taho jak sudździa vynies prysud, žančyna zaśpiavała ŭkrainskuju pieśniu «Ridna mati moja».
Heta nie adziny vypadak, kali na akupavanych terytoryjach vynieśli žorstki prysud piensijaniercy.
Tak, niadaŭna 14 hadoŭ kałonii dali piensijaniercy z akupavanaha Biardzianska pa spravie ab dziaržaŭnaj zdradzie, piša Bi-bi-si.
Pavodle viersii rasijskich siłavikoŭ, paśla pačatku vajny ŭ žančyny, jakaja naradziłasia ŭ 1952 hodzie, «sfarmavałasia ŭstojlivaje niehatyŭnaje staŭleńnie da pradstaŭnikoŭ rasijskich dziaržaŭnych orhanaŭ ułady».
Śledstva śćviardžaje, što letam 2024 hoda piensijanierka praz mabilny dadatak ukrainskaha banka pieraviała ŭkrainskim vajskoŭcam 1500 hryŭniaŭ (prykładna 33 dalary). Na dumku rasijskaha śledstva, heta naniesła škodu biaśpiecy Rasii.
Ciapier čytajuć
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca1414
Kamientary