Instytut teałohii BDU ličyć nieabchodnym uvieści ŭ škołach uroki relihijnaj kultury
Dla pravasłaŭnych heta budzie kurs pravasłaŭnaj kultury, dla katolikaŭ — kurs z akcentam na katalickija kaštoŭnaści, dla judejaŭ — na judejskija...
Pra heta zajaviŭ načalnik Centra mižnarodnych suviaziaŭ i raźvićcia teałahičnaj adukacyi Instytuta teałohii BDU Ryhor Daŭhiała 28 červienia na pres‑kanfierencyi ŭ Minsku.
Pavodle jaho słoŭ, uviadzieńnie ŭroka relihijnaj kultury dazvolić danieści da maładoha pakaleńnia tradycyjnyja kaštoŭnaści.
Jak ličyć pradstaŭnik Instytuta teałohii BDU, heta pavinna być abaviazkovaja dyscyplina pa vybary: dla pravasłaŭnych — kurs pravasłaŭnaj kultury, dla katolikaŭ — kurs z akcentam na katalickija kaštoŭnaści, dla iudziejaŭ — na iudziejskija, dla musulman — na musulmanskija. Razam z tym, kožnaja z dyscyplin pa vybary pavinna ŭklučać viedy ab tradycyjach inšych relihijnych kanfiesij ci halin chryścijanstva.
Dzieciam niavierujučych baćkoŭ prapanujecca «vyvučać kurs śvieckaj etyki».
Pry hetym, pavodle mierkavańnia Daŭhiały, pa vybranym pradmiecie pavinien być ekzamien.
«Pa takim pryncypie isnuje sistema adukacyi ŭ śfiery relihijnaj kultury praktyčna va ŭsioj Jeŭropie», — zajaviŭ pradstaŭnik Instytuta teałohii. Pavodle jaho słoŭ, pry hetym prafiesijanalizm vykładčykaŭ kantralujecca z boku dziaržavy, a carkva ŭ svaju čarhu sočyć za vykanańniem dahmatyčnych abaviazacielstvaŭ.
Jak ličyć Daŭhiała,
šyrokaje raspaŭsiudžańnie ŭrokaŭ relihijnaj kultury ŭ jeŭrapiejskich krainach śviedčyć pra razumieńnie ich važnaści kiraŭnikami dziaržaŭ.
Pavodle jaho mierkavańnia, relihijnaja matyvacyja siońnia «prysutničaje ŭ žyćci kałasalnaj kolkaści ludziej», i dla dziaržavy vyhadna kantralavać hety praces z tym, kab pradkazać pavodziny hramadstva.
Kamientary