На месцы палеалітычнай стаянкі ў вёсцы Юравічы правялі фестываль пра мамантаў і першабытных людзей. Гісторыкі ацэньваюць яго скептычна
Фестываль «Мамонт.by» прайшоў 5 верасня на месцы стаянкі першабытных людзей у Юравічах Калінкавіцкага раёна. Там калісьці знайшлі рэшткі аднаго з самых старажытных паселішчаў Беларусі, якому больш за 26 тысяч гадоў, піша Reform.news.
Фестываль «Мамонт.by» праводзіцца другім разам па адной і той жа схеме: дэфіле ў першабытных касцюмах, паляванне на маманта, прысвячэнне ў краманьёнцы, здабыча агню і стравы паводле «дагістарычных» рэцэптаў. А таксама — рытуальныя танцы каля вогнішча, экскурсія «Шлях да вытокаў», фотазоны, катанне на конях, дзіцячыя пляцоўкі і рамесныя шэрагі.
У аснове праекта — тэатральная пастаноўка, якую паказвалі мясцовыя культработнікі ў прысутнасці чыноўнікаў.
Беларускія эксперты і навукоўцы скептычна паставіліся да гэтай сумнеўнай самадзейнасці.
«Цікава, што падобныя музеі на месцы стаянак ёсць па ўсім свеце, і можна было б у іх павучыцца якасна арганізоўваць мерапрыемствы для гасцей, пасля якіх у музей хацелася б яшчэ раз прыехаць. Напрыклад, можна было б паказаць рэальныя заняткі тых старажытных людзей: майстраванне каменнай зброі, апрацоўка косці каменнай праколкай і г.д. Ну так, не надта масава і пасмяяцца няма з чаго, але назаўжды ў памяці застанецца адчуванне цвёрдасці крэменю. Але гэта ж трэба арганізаваць, гэта ж трэба самому ўмець і ведаць, як годна гледачам падаць. Навошта? Значна прасцей пабегаць вакол вогнішча і пагукаць», — прыводзіла каментар гісторыка Рамана Абуховіча пасля першага фестывалю выданне «Штодзень».
А вось як пракаментаваў навіну пра прэмію калінкавіцкім спецыялістам адзін гомельскі гісторык: «Мне страшна за захаванне помніка ад іхных ініцыятываў».
Характар фестывалю гэтага года не змяніўся. Замест навуковага падыходу па-ранейшаму «паляванне на маманта», рытуальныя танцы вакол вогнішча і спартыўна-забаўляльная праграма «Актыўныя першабытныя».
Леташні фэст стаў срэбраным прызёрам у намінацыі «Найлепшая ідэя турыстычнай падзеі» прэміі Russian Event Awards.
Цяпер чытаюць
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?19
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары
Ду-ду-ду-ду, ду-ду-ду-ду, ладзілі дуду,
Сільна хацелі весяліць нуду,
Ду-ду-ду-ду, ду-ду-ду-ду, ладзілі дуду.
Як разышліся музыкі, гу-га!
Гу-га-га-га, гу-га-га-га, згінула туга.
Згінула гора, згінула туга,
Гу-га-га-га, гу-га-га-га, згінула туга.
Дзедка старэнькі, ўзяўшы ёмкі жмут,
Ту-ту-ту-ту, ту-ту-ту-ту, ўзяўшы ёмкі жмут,
Кіем на дзверы паказаў ім тут.
Ту-ту-ту-ту, ту-ту-ту-ту, ўзяўшы ёмкі жмут.
Вы сабе дуйце сваё гоцаца,
Го-ца-ца-ца, го-ца-ца-ца, сваё гоцаца.
Толькі пачнеце з другога канца,
Го-ца-ца-ца, го-ца-ца-ца, сваё гоцаца.