Na Antopalskaj vatna-pradzilnaj fabrycy ŭ Drahičynskim rajonie pačali vypuskać ucieplenyja zimovyja papony dla cialat. Ideja źjaviłasia paśla minułaj zimy, kali mocnyja marazy prymusili haspadarki šukać dadatkovyja sposaby abaranić maładniak ad pieraachaładžeńnia, piša BiełTA.
Dla papon vykarystoŭvajuć biełaruskija materyjały ŭłasnaj vytvorčaści. Taŭščyniu ŭciaplalnika padbirajuć u zaležnaści ad tempieratury: dla ŭmoŭ da —5 hradusaŭ padychodzić bolš tonki płast, a dla mocnych marazoŭ vyrablajuć bolš ciopłyja varyjanty. U jakaści ŭciaplalnika vykarystoŭvajuć ihołkaprabiŭny materyjał abo sintepon roznaj taŭščyni.
Vierchni płast robiać z vodaniepranikalnaj tkaniny, jakaja abaraniaje žyviolinu ad vilhaci, a ŭnutrany — z bavaŭnianaha materyjału. Važna, kab papona była miakkaj i nie razdražniała skuru cialaci. Materyjały, jakija mohuć stvarać «parnikovy efiekt», vyklikać pierahreŭ i mocnaje potaadździaleńnie, vykarystoŭvać nie buduć. Dla zručnaści papony majuć zaščepki-fiksatary i rehulavanyja ramiani.
Asabliva patrebnaja takaja abarona novanarodžanym cialatam. U pieršy miesiac žyćcia ich sistema termarehulacyi jašče niedastatkova raźvitaja, tamu jany chutčej pieraachałodžvajucca abo pierahravajucca. Ucieplenaja papona dapamahaje pamienšyć straty enierhii na padtrymańnie tempieratury cieła i zachavać bolš resursaŭ dla rostu.
Adnačasova ŭ Bresckaj vobłaści rychtujucca da novaha chałodnaha siezona i palapšajuć umovy ŭtrymańnia maładniaku. U 2026 hodzie tut płanujuć pabudavać 36 i rekanstrujavać jašče 17 prafiłaktoryjaŭ dla cialat. Miarkujecca, što da 2027 hoda ŭsio pahałoŭje cialat u rehijonie budzie ŭtrymlivacca ŭ sučasnych umovach.
Biełaruskija zubry, jakich uzimku pryvieźli ŭ Baškartastan, za tydzień abraśli doŭhaj poŭściu
Deputaty vypadkova źlili dakumient pra katastrafičny padziež žyvioły ŭ sielskich haspadarkach
«Užo ŭ SIZA». Za žachlivy padziež cialat na Homielščynie aryštavali kiraŭnika haspadarki
Hinuli ad pavodki, ale vyratavalisia pierajezdam. Jak ciapier žyviecca ŭ Biełarusi turapadobnym bykam
Kamientary