«Kali b mnie daviałosia ŭsio paŭtaryć, ja zrabiŭ by toje samaje».
Prezident ZŠA zajaviŭ, što nie škaduje pra pačatak vajny suprać Irana, niahledziačy na mahčymy ŭpłyŭ kanfliktu na pramiežkavyja vybary ŭ ZŠA ŭ listapadzie. Pra heta Donald Tramp skazaŭ intervju dla Fox News.
«Ja nie vieru ŭ słova «škadavańnie». Zaŭsiody možna krychu parazvažać nad saboj. Kali b mnie daviałosia ŭsio paŭtaryć, ja zrabiŭ by toje samaje», — skazaŭ Tramp.
Taksama jon adkinuŭ zdahadki pra toje, što niekatoryja ź jaho prychilnikaŭ byli zasmučanyja i demaralizavanyja vajnoj. «Ja nie dumaju, što jany demaralizavanyja. Ja dumaju, jany vielmi hanaracca tym, što ja nie dazvalaju Iranu mieć jadziernuju zbroju», — zajaviŭ prezident ZŠA.
Akramia taho, Tramp znoŭ paćvierdziŭ svajo mierkavańnie pra toje, što vajna moža skončycca adrazu paśla pramiežkavych vybaraŭ u Kanhres ZŠA.
«Usio skončycca adrazu paśla vybaraŭ», — śćviardžaje kiraŭnik Biełaha doma.
Kamientary