Admoŭnaje salda źniešniaha handlu tavarami, pavodle danych handlovaha bałansu, za studzień—maj 2010 hoda skłała 2 młrd. 722,4 młn. dalaraŭ, paviedamlaje pres‑słužba Nacyjanalnaha statystyčnaha kamiteta. Za taki ž letašni pieryjad hety pakazčyk składaŭ 3 młrd. 208,2 młn. dalaraŭ.
Pavodle vynikaŭ piaci miesiacaŭ hetaha hoda abjom źniešniaha handlu tavarami pavialičyŭsia na 19,4% u paraŭnańni sa studzieniem—majem 2009 hoda i skłaŭ 21 młrd. 170,8 młn. dalaraŭ. Za hety pieryjad ekspart vyras na 27% da 9 młrd. 224,2 młn. dalaraŭ, impart — na 14,1% da 11 młrd. 946,6 młn.
Salda ŭ handli z krainami SND skłałasia admoŭnaje ŭ pamiery 2 młrd. 445,1 młn. dalaraŭ (za studzień—maj 2009 hoda — minus 3 młrd. 461,7 młn.). Ekspart vyras na 52,7% da 4 młrd. 864,8 młn. dalaraŭ, impart — na 10% da 7 młrd. 309,9 młn. Abjom źniešniaha handlu za studzień—maj skłaŭ 12 młrd. 174,7 młn. dalaraŭ (na 23,8% bolš).
Salda ŭ handli z RF skłałasia admoŭnaje na ŭzroŭni 2 młrd. 944,5 młn. dalaraŭ (za studzień—maj 2009 hoda — minus 3 młrd. 696,7 młn.). Źniešniehandlovy abarot z Rasijaj pavialičyŭsia na 20,2% da 10 młrd. 210,5 młn. dalaraŭ. Ekspart vyras na 51,4% (da 3 młrd. 6333 młn.), impart — na 7,9% (da 6 młrd. 577,5 młn.).
Źniešniehandlovy abarot z Kazachstanam pavialičyŭsia na 59,8% da 211,2 młn. dalaraŭ. Ekspart vyras na 70,3% (da 175,5 młn.), impart — na 22,7% (da 35,7 młn.). Salda ŭ handli z hetaj krainaj skłałasia stanoŭčaje ŭ pamiery 139,8 młn. dalaraŭ (za studzień—maj 2009 hoda — plus 74 młn.).
Źniešniehandlovy abarot z krainami dalokaha zamiežža pavialičyŭsia na 13,8% i skłaŭ 8 młrd. 996,1 młn. dalaraŭ. Ekspart vyras na 6,9% da 4 młrd. 359,4 młn., impart — na 21,2% da 4 młrd. 636,7 młn. Salda skłałasia admoŭnaje ŭ pamiery 277,3 młn. dalaraŭ (za anałahičny letašni pieryjad — plus 253,5 młn. dalaraŭ).
Ciapier čytajuć
Łukašenka patłumačyŭ, čamu jaho nie vidać pa sieradach i subotach18
Łukašenka patłumačyŭ, čamu jaho nie vidać pa sieradach i subotach
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary