Jon adkryta nazyvaŭ rasijskich vajskoŭcaŭ akupantami, a rasijskuju ŭładu — fašysckaj. Za kraty kinuli supracoŭnika MTBanka
Alaksandru Siamihłazavu 50 hadoŭ.
Alaksandr Siamihłazaŭ minčuk. Mužčyna atrymaŭ adukacyju ŭ BNTU na miechanika-technałahičnym fakultecie pa śpiecyjalnaści, źviazanaj z mašynami i technałohijaj apracoŭki mietałaŭ ciskam. Apošniaje viadomaje miesca jahonaj pracy — adździeł zakupak MTBanka.
Pa-za pracaj hałoŭnym zachapleńniem Alaksandra byŭ chakiej. U telehramie mužčyna byŭ padpisany na dziasiatki supołak zaŭziataraŭ roznych kłubaŭ KCHŁ, dzie rehularna abmiarkoŭvaŭ matčy, statystyku i hulniu chakieistaŭ. Sam Siamihłazaŭ zaŭzieŭ za minskaje «Dynama». U kamientarach jon časta iranizavaŭ z apanientaŭ, ale padkreślivaŭ, što jon suprać abraz pa nacyjanalnaj prykmiecie i što ŭ biełaruskich čatach panujuć braterstva i pavaha.
Akramia sportu, mužčyna šmat času pravodziŭ u palityčnych dyskusijach.
Jon paśladoŭna i vielmi emacyjna krytykavaŭ rasijskuju ahresiju suprać Ukrainy, vykryvaŭ prapahandu i žorstka spračaŭsia z prychilnikami vajny. Jon adkryta nazyvaŭ rasijskich vajskoŭcaŭ akupantami, a rasijskuju ŭładu — fašysckaj.
Mienavita za aktyŭnaść u internecie i rezkija kamientary mužčyna i trapiŭ pad pieraśled.
Alaksandra asudzili ŭ Minskim haradskim sudzie pavodle č. 1 art. 130 Kryminalnaha kodeksa («raspalvańnie varožaści ci varažniečy»). Prysud, jak i časta pa palityčnych spravach ciapier, nieviadomy.
Miarkujučy pa tym, što paśla prysudu mužčyna nie źjaviŭsia anłajn, ciapier jon za kratami.
Masavyja palityčnyja represii ŭ krainie pačalisia paśla 2020 hoda. Tady Alaksandr Łukašenka prajhraŭ Śviatłanie Cichanoŭskaj, ale nie addaŭ joj ułady, a zmusiŭ jaje vyjechać za miažu. Adbylisia masavyja narodnyja pratesty suprać dyktatury i falsifikacyi vybaraŭ. Na heta ŭłady adkazali represijami.
Pavodle padlikaŭ abjadnańnia siłavikoŭ «Biełpoł» i pravaabaroncaŭ, viadomyja imiony jak minimum 10050 čałaviek, jakija padpali pad palityčna matyvavanyja kryminalnyja spravy. Usiaho tyja ci inšyja palityčnyja represii (kryminałki, administratyŭki, zvalnieńni, pieratrusy, vymušanaja emihracyja) zakranuli sotni tysiač biełarusaŭ.
«Ekstremizmam» ułady Biełarusi ličać patrabavańnie pravieści svabodnyja vybary z prazrystym padlikam hałasoŭ, a taksama praktyčna ŭsialakuju krytyku ŭładaŭ, prarasijskich histaryčnych naratyvaŭ, prajavy salidarnaści z Ukrainaj, antyvajennyja vystupy.
«Naša Niva» — bastyjon biełaruščyny
PADTRYMAĆCiapier čytajuć
Minčanka Anhielina, jakaja prasiła ŭ Łukašenki kvateru za trojniu, atrymała žyllo13
Minčanka Anhielina, jakaja prasiła ŭ Łukašenki kvateru za trojniu, atrymała žyllo
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»1111
Kamientary