Budanaŭ: Ukraina hatovaja da spynieńnia ahniu, a Rasija znachodzić pryčyny, kab hetaha nie adbyłosia
Pavodle słoŭ Budanava, ukrainski bok užo publična sfarmulavaŭ svaju prapanovu adnosna spynieńnia bajavych dziejańniaŭ.
Ukraina ŭžo prapanavała nieadkładnaje spynieńnie ahniu, ale Rasija nie demanstruje hatoŭnaści pahadzicca i praciahvaje znachodzić pryčyny dla admovy. Pra heta kiraŭnik Ofisa prezidenta Ukrainy Kirył Budanaŭ zajaviŭ u intervju NewsForce, paviedamlaje RBK-Ukraina.
Pavodle słoŭ Budanava, ukrainski bok užo publična sfarmulavaŭ svaju prapanovu adnosna spynieńnia bajavych dziejańniaŭ.
«Na hety momant jość vielmi adkrytaja prapanova, jakuju ahučyŭ sam prezident Ukrainy: Ukraina zaklikaje da nieadkładnaha spynieńnia ahniu», — adznačyŭ kiraŭnik Ofisa prezidenta.
U toj ža čas pazicyja Maskvy, pavodle jaho acenki, zastajecca supraćlehłaj. Rasija nie demanstruje hatoŭnaści pahadzicca na spynieńnie ahniu i praciahvaje nazyvać pryčyny, čamu hetaha nie pavinna adbycca ciapier.
«Rasija ciapier vielmi adkryta zajaŭlaje, što nie choča hetaha, što nie hatovaja i znachodzić pryčyny, čamu hetaha nie pavinna adbycca ciapier», — skazaŭ Budanaŭ.
Kiraŭnik Ofisa prezidenta taksama źviarnuŭ uvahu na dziejańni Rasii. Pavodle jaho słoŭ, jany ciapier nie śviedčać pra hatoŭnaść Maskvy zaviaršyć vajnu.
Asobna jon padkreśliŭ važnaść udziełu Złučanych Štataŭ u mirnym pracesie. Pavodle słoŭ Budanava, upłyŭ Vašynhtona stvaraje dla Ukrainy mahčymaść ruchacca da zaviaršeńnia vajny.
«Uličvajučy ŭpłyŭ ZŠA, u nas jość šaniec dasiahnuć miru. I my robim usio što ad nas zaležyć», — skazaŭ kiraŭnik Ofisa.
Ciapier čytajuć
Rasijanie sapraŭdy stali čaściej kuplać nieruchomaść u Biełarusi? Voś što raskazvajuć ryełtary20
Rasijanie sapraŭdy stali čaściej kuplać nieruchomaść u Biełarusi? Voś što raskazvajuć ryełtary
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»1111
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»11
Niebaraka ź Lachavičaŭ źnik «na SVA» ŭžo na treci dzień, a ŭ baraćbie za hrabavyja sčapilisia siastra, sužycielka i žonka — z čatyrma dziećmi, ale čužymi88
Kamientary