Miedyja z televizijnaha puła Biełaha doma padtrymali telekanał CNN u kanflikcie z Trampam. Nie zastaŭsia ŭbaku i Fox News
Kiraŭnik vašynhtonskaha biuro Fox News Brajan Boŭtan nakiravaŭ list da miedyja, u jakim paviedamiŭ, što televizijny puł Biełaha doma nie budzie aśviatlać mierapryjemstvy prezidenta ZŠA Donalda Trampa, paviedamlaje CNN.
«Ź siońniašniaha dnia televizijny puł nie budzie aśviatlać padziei, vyznačanyja jak puł aśviatleńnia dziejnaści prezidenta. Heta adbyvajecca ŭ adkaz na pazicyju Biełaha doma, jakaja pieraškadžaje CNN vykonvać svaje abaviazki pa pule. Puł uzamien nie budzie stvorany», — napisaŭ Boŭtan.
Piać amierykanskich miedyja — ABC, CBS, CNN, NBC i Fox News — pa čarzie zdymajuć prezidenta i pieradajuć žyvyja tranślacyi adna adnoj i bolš šyrokamu kołu jak amierykanskich, tak i mižnarodnych miedyja.
Brajan Boŭtan paviedamiŭ u liście, što ŭsie inšyja televizijnyja prahramy «buduć praciahvacca ŭ zvyčajnym režymie, uklučajučy vystupleńni Kanhresa, vip-pierson i asobnyja mierapryjemstvy ŭ Vašynhtonie i pa ŭsioj krainie».
18 vieraśnia prezident ZŠA Donald Tramp abviaściŭ pra zabaronu dostupu da Biełaha doma dla žurnalistaŭ CNN, MS NOW i Politico. Jon patłumačyŭ heta tym, što hetyja miedyja nibyta raspaŭsiudžvajuć «fejkavyja» materyjały.
21 vieraśnia CNN, Politico i MS NOW padali pazoŭ suprać administracyi Donalda Trampa paśla taho, jak ich žurnalistaŭ pazbavili dostupu da terytoryi Biełaha doma. Vydańni zajaŭlajuć, što rašeńnie parušaje harantavanyja Pieršaj papraŭkaj Kanstytucyi ZŠA pravy na svabodu słova i presy.
Ciapier čytajuć
Najbujniejšaj u śviecie fan-supolnaściu Łedzi Hahi kiruje chłopiec ź Minska, jaki adsiedzieŭ za pratesty. Rasijanie paśpiašalisia zapisać jaho ŭ svaje1616
Kamientary