U Polščy čakajuć rostu zajaŭ biełarusaŭ na kartu doŭhaterminovaha rezidenta ES u 5‑7 razoŭ

U 2026—2028 hadach biełarusy padaduć u Polščy ŭ 5—7 razoŭ bolš zajaŭ na atrymańnie statusu doŭhaterminovaha rezidenta ES, čym u 2022—2025 hadach. 

Adnym z bazavych patrabavańniaŭ da zamiežnika dla padačy zajavy na kartu rezidenta źjaŭlajecca lehalnaje znachodžańnie ŭ Polščy na praciahu piaci hadoŭ. Na 1 vieraśnia 2026 hoda tolki 2,7 tysiačy biełarusaŭ lehalizavany ŭ Polščy praz kartu rezidenta. Ale bujnaja chvala biełaruskaj emihracyi prypała jakraz na 2021 hod i nastupnyja, dla takich emihrantaŭ piacihadovy pieryjad zakančvajecca jakraz pačynajučy z 2026 hoda.

Heta vykliča dadatkovuju nahruzku na dziaržorhany — užondy. Jana budzie nieraŭnamiernaj. Asnoŭnaja nahruzka, pa prahnozie UdSC, prypadzie na try rehijony z najbolšaj dolaj biełaruskaj dyjaspary, jakaja pastajanna pražyvaje tam: Mazavieckaje, Padlaskaje i Vielikapolskaje vajavodstvy.

Mazavieckaje vajavodstva (Varšava i ahłamieracyja), pa paviedamleńni UdSC, voźmie na siabie kala 50% usioj chvali. Tut prahnazujecca skačkapadobny rost kolkaści zajaŭ na atrymańnie statusu doŭhaterminovaha rezidenta ES prykładna na 500%, to bok ź siaredniaha ŭzroŭniu ŭ 500 spraŭ za hod da bolš čym 3 tysiačy vytvorčaściej štohod.

U Padlaskim vajavodstvie (Biełastoku i pryhraničnym rehijonie) z pryčyny hieahrafičnaj blizkaści da Biełarusi i mocnych transhraničnych suviaziaŭ zasiarodžana kala 20% biełaruskaj dyjaspary. Tut prahnazujecca rost kolkaści spraŭ prykładna na 450% (z 200 zajaŭ da bolš čym 1,1 tysiačy za hod).

U Vielikapolskim vajavodstvie (Poznań) — bujnym pramysłovym i łahistyčnym centry — čakajecca rost kolkaści spraŭ prykładna na 400% (prykładna sa 150 da bolš čym 750 zajaŭ za hod).

Deficyt miescaŭ na siertyfikacyjnyja ekzamieny

Skačkapadobny rost aholić inšuju prablemu — sa zdačaj moŭnaha ekzamienu. Dla atrymańnia karty rezidenta patrabujecca paćvierdzić viedańnie polskaj movy na ŭzroŭni nie nižej za B1. Va Upraŭleńni pa spravach zamiežnikaŭ prahnazujuć, što masavy praces padačy zajaŭ na kartu rezidenta «moža pryvieści da niechopu miescaŭ u ekzamienacyjnych centrach i zaciahvańnia pracesu padrychtoŭki zajaŭ».

Bolš zajaŭ na hramadzianstva

Paralelna ŭ 2026—2028 hadach, pa prahnozach UdSC, pavialičycca kolkaść spraŭ biełarusaŭ ab pryznańni hramadzianami Polščy. Heta tyčycca pierš za ŭsio tych, chto ŭ 2021—2024 hadach atrymaŭ pastajanny DNŽ pa polskich korniach abo karcie palaka.

«U bližejšyja hady hety praces nadoŭha źmienić pravavuju i demahrafičnuju strukturu dyjaspary, pieratvaryŭšy značnuju častku mihrantaŭ ź Biełarusi ŭ paŭnapraŭnych hramadzian Respubliki Polšča, jakija vałodajuć usimi vybarčymi i sacyjalnymi pravami», — adznačajuć u UdSC.

• 0
• 1
• 2
• 0
• 0
• 1
• 0
• 0