Pad Kapylom ad milicyi ŭciakaŭ matacyklist-biaspraŭnik z 4 pramile ałkaholu
U Kapylskim rajonie supracoŭniki DAI zatrymali 26‑hadovaha miascovaha žychara, jaki kiravaŭ matacykłam u stanie ałkaholnaha apjanieńnia i sprabavaŭ uciačy ad inśpiektaraŭ.
Kala pieršaj hadziny nočy 2 kastryčnika supracoŭniki darožna-patrulnaj słužby zaŭvažyli matacyklista na adnoj z vulic ahraharadka Hrozava. Na patrabavańnie spynicca mužčyna nie adreahavaŭ, pavialičyŭ chutkaść i pasprabavaŭ schavacca ad pieraśledu, ale ŭciačy jamu nie ŭdałosia.
Pry praviercy vyśvietliłasia, što kiroŭca nie mieŭ prava kiravać transpartnym srodkam. Miedycynski ahlad zaśviedčyŭ 4 pramile ałkaholu. Akramia taho, mužčyna parušyŭ i inšyja praviły darožnaha ruchu.
U dačynieńni da jaho skłali niekalki administracyjnych pratakołaŭ. Matacykł kanfiskavali i źmiaścili na stajanku pad achovaj.
Kamientary