Pieramožca «Jeŭrabačańnia-2010» z Hiermanii nie prymie ŭdzieł u fiestyvali mastactvaŭ u Viciebsku, jak anansavałasia raniej.
Pieramožca «Jeŭrabačańnia-2010» z Hiermanii nie prymie ŭdzieł u fiestyvali mastactvaŭ u Viciebsku, jak anansavałasia raniej.
Ab hetym paviedamiŭ pieršy namieśnik ministra kultury Biełarusi Uładzimir Karačeŭski. Choć zaprašeńnie i było zroblena jašče za miesiac da pieramohi na jeŭrapiejskim konkursie, śpiavačka tolki ciapier pryniała kančatkovaje rašeńnie. Ale 10 lipienia na płoščy Pieramohi ŭ Viciebsku vystupiać inšyja ŭdzielniki «Jeŭrabačańnia» roznych hadoŭ:
«3+2», Rusłan Alechno, Piotra Jałfimaŭ, Alaksandr Panajotaŭ, Dyjana Hurckaja, Jeva Ryas, Daniel Dzihies…
Sp. Karačeŭski nazvaŭ sumu, jakaja sioleta była vydatkavana z reziervovaha fondu prezidenta na praviadzieńnie fiestyvalu, — 2,5 młrd. rubloŭ (letaś hetaja ličba skłała tolki 2,068 młrd.). Amal stolki ž, 2,412 młrd., było vydatkavana i ź biudžetu sajuznaj dziaržavy.
Pa słovach namieśnika ministra,
užo raskuplenyja 80 pracentaŭ kvitkoŭ na ŭsie kancerty.
XIX mižnarodny fiestyval mastactvaŭ «Słavianski bazar» projdzie ŭ Viciebsku z 9 pa 15 lipienia. Padčas festu tradycyjna adbuducca konkurs maładych vykanaŭcaŭ i dziciačy konkurs.
Biełaruś na ich pradstaviać Dzianis Viaršenka, Zara Łarenka i Hanna Zajcava.
Na fiestyval taksama zaprošany Dzima Biłan, Tomas Anders, Mikałaj Baskaŭ, Juryj Antonaŭ, Inna Afanaśjeva, Stas Michajłaŭ i inšyja.
Solnych kancertaŭ biełaruskich vykanaŭcaŭ nie budzie. Źviazana heta ź ich nieakupalnaściu. Pasłuchać ajčynnych śpievakoŭ možna budzie na asobnym kancercie biełaruskich zorak.
Paznajomicca z prahramaj vystupleńniaŭ artystaŭ na fiestyvali možna tut.
U Maskvie mužčyny masava sprabujuć znajomicca, macajučy dziaŭčat za jahadzicy. Tak zahadaŭ rabić seks-koŭč ź Biełarusi8
Kamientary