Biełaruś i Litva płanujuć stvaryć chutkasny čyhunačny maršrut Minsk — Vilnia z pryciahnieńniem srodkaŭ Jeŭrasajuza.
Pra heta paviedamiŭ na pres-kanfierencyi 29 lipienia ŭ Minsku načalnik Biełaruskaj čyhunki Anatol Sivak.
Papiaredniaja damoŭlenaść ab stvareńni takoha maršrutu bakami była dasiahnuta ŭ mai. Sivak adznačyŭ, što na raźvićcio infrastruktury biełaruskich čyhunak vykarystoŭvajucca ŭłasnyja srodki, a ŭ Litvie — srodki ES. "U našych litoŭskich kaleh jość vialiki vopyt stasunkaŭ ź ES, i my na ich spadziajemsia", — padkreśliŭ Sivak.
Pavodle jaho słoŭ, heta budzie druhi etap prajekta, źviazanaha z madernizacyjaj infrastruktury vietki Minsk — Vilnia.
Jaho realizacyja dazvolić chadzić ciahnikam z chutkaściu 140 km/hadz.
Akramia taho, pavodle słoŭ načalnika BČ, biełaruskaja daroha elektryfikavana da Maładziečna, a litoŭskaja — jašče nie elektryfikavana.
Na pieršym etapie, paviedamiŭ Sivak, možna źmienšyć čas šlachu ź Minska ŭ Vilniu da 2,5 hadziny za košt skaračeńnia mytnych i pahraničnych pracedur i kupli sučasnaha sastavu. Pavodle jaho słoŭ, pravodzicca praca nie tolki biełaruskaj i litoŭskaj čyhunkami, ale i inšymi zacikaŭlenymi viedamstvami.
