Беларусь і Літва плануюць стварыць хуткасны чыгуначны маршрут Мінск — Вільня з прыцягненнем сродкаў Еўрасаюза.
Пра гэта паведаміў на прэс-канферэнцыі 29 ліпеня ў Мінску начальнік Беларускай чыгункі Анатоль Сівак.
Папярэдняя дамоўленасць аб стварэнні такога маршруту бакамі была дасягнута ў маі. Сівак адзначыў, што на развіццё інфраструктуры беларускіх чыгунак выкарыстоўваюцца ўласныя сродкі, а ў Літве — сродкі ЕС. "У нашых літоўскіх калег ёсць вялікі вопыт стасункаў з ЕС, і мы на іх спадзяемся", — падкрэсліў Сівак.
Паводле яго слоў, гэта будзе другі этап праекта, звязанага з мадэрнізацыяй інфраструктуры веткі Мінск — Вільня.
Яго рэалізацыя дазволіць хадзіць цягнікам з хуткасцю 140 км/гадз.
Акрамя таго, паводле слоў начальніка БЧ, беларуская дарога электрыфікавана да Маладзечна, а літоўская — яшчэ не электрыфікавана.
На першым этапе, паведаміў Сівак, можна зменшыць час шляху з Мінска ў Вільню да 2,5 гадзіны за кошт скарачэння мытных і пагранічных працэдур і куплі сучаснага саставу. Паводле яго слоў, праводзіцца праца не толькі беларускай і літоўскай чыгункамі, але і іншымі зацікаўленымі ведамствамі.
Цяпер чытаюць
Пальчыс заявіў, што гэта ён каардынаваў пратэсты 2020 года з Мінска і пісаў планы першых маршаў82
Пальчыс заявіў, што гэта ён каардынаваў пратэсты 2020 года з Мінска і пісаў планы першых маршаў
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх2121
Каментары