U Baranavickim rajonie zatrymany brakańjer, na raściažcy jakoha padarvałasia dziaŭčyna
Zdareńnie adbyłosia niedaloka ad vioski Małaja Svarotva, kali dziaŭčyna razam z svaim chłopcam źbirała ŭ lesie hryby. Jak było vyjaŭlena, spracavała samatužnaje prystasavańnie – raściažka, jakaja spracoŭvaje pavodle pryncypu samastrełu pry dakranańni. Ad vybuchu dziaŭčyna atrymała ciažkija ranieńni. Dziakujučy vytrymcy i hramatnym dziejańniam junaka, jaki vynies svaju siabroŭku ź lesu na rukach, jana była svoječasova dastaŭlenaja ŭ bolnicu na mašynie chutkaj dapamohi. Ciapier joj lepšaje.
Supracoŭniki baranavickaj milicyi ŭ chodzie praviedzienych aperatyŭna-vyšukovych mierapryjemstvaŭ zatrymali brakańjera, na raściažcy jakoha, ustalavanaj u lesie, padarvałasia 22-hadovaja dziaŭčyna. Pra heta karespandentu BIEŁTA paviedamiła staršy inspektar Baranavickaha HAUS Natalla Sidzielnik.
Pavodle jaje słovaŭ, zdareńnie adbyłosia niedaloka ad vioski Małaja Svarotva, kali dziaŭčyna razam z svaim chłopcam źbirała ŭ lesie hryby. Jak było vyjaŭlena, spracavała samatužnaje prystasavańnie – raściažka, jakaja spracoŭvaje pavodle pryncypu samastrełu pry dakranańni. Ad vybuchu dziaŭčyna atrymała ciažkija ranieńni. Dziakujučy vytrymcy i hramatnym dziejańniam junaka, jaki vynies svaju siabroŭku ź lesu na rukach, jana była svoječasova dastaŭlenaja ŭ bolnicu na mašynie chutkaj dapamohi. Ciapier joj lepšaje.
Raśśledavańnie pa hetym fakcie pravodzić Baranavickaje RAUS. Pačataja kryminalnaja sprava pa artykule «pryčynieńnie ciažkich cialesnych paškodžańniaŭ z-za nieaściarožnaści». Nia vyklučana, što sprava budzie dapoŭnienaja artykułam za vyrab samarobnaha vybuchovaha prystasavańnia.
Jak vyjavili supracoŭniki milicyi, zatrymany miascovy žychar, 1937 hodu naradžeńnia, u minułym – palaŭničy. Jon pryznaŭsia va ŭčynienym. Pavodle najaŭnych źviestak, prykładna kala 15 apošnich hadoŭ jon zajmaŭsia padobnym brakańjerskim promysłam, źviazanym z vyrabam samatužnych vybuchovych prystasavańniaŭ.
Kamientary