Siońnia ŭ Talinie pačynaje viaščańnie novaje internet-telebačańnieAru-TB — niezaležny hramadzka-palityčny kanał, aryjentavany na biełaruskuju i rasiejskuju aŭdytoryi.
«Aru-TB — niezaležnaje telebačańnie, tamu hałoŭny pryncyp jaho pracy — abjektyŭnaść»,- havorycca ŭ siońniašnim presavym paviedamleńni Aru-TB. — Infarmacyja budzie padavacca tak, kab hledačy sami rabili vysnovy, paraŭnoŭvali supraćlehłyja mierkavańni, roznyja padychody."
Nad Aru-TB pracujuć specyjalisty ŭ halinie medyjaŭ, žurnalistyki i PR ź Biełarusi, Rasiei, Ukrainy i Estonii. Taksama ŭ kanała jość sietka valanteraŭ.
«My z kalehami doŭhi čas niezaležna adzin ad adnaho zajmalisia stvareńniem animacyjnych i videa prahram dla biełaruskaj i rasiejskaj aŭdytoryj. Ale pryjšli da vysnovy, što bolš efektyŭna było b abjadnać siły dla vytvorčaści jakasnaha videapraduktu dla internetu, — havoryć Pavał Marozaŭ, kiraŭnik Aru Television OÜ. — Naš prajekt zaklikany dać ludziam ź Biełarusi i Rasiei infarmacyjnuju alternatyvu dziaržaŭnym telekanałam.
Vybar miesca prajektu pradyktavany tym, što Estonija — lider pa ŭkaranieńni internet-technalohijaŭ u rehijonie i vielmi liberalnaja kraina z volnaj presaj. Aru-TB — heta pieršy krok hrupy adnadumcaŭ. Ja ŭpeŭnieny, što davoli chutka kanał stanie sapraŭdy ŭpłyvovaj krynicaj abjektyŭnaj infarmacyi dla žycharoŭ Biełarusi i Rasii».
Aru-TB prapanoŭvaje infarmacyjnaja, analityčnyja i zabaŭlalnyja prahramy.
Aru-TB pracuje na troch movach: biełaruskaj, ruskaj i anhielskaj, — i maje 4 kanały viaščańnia: dla Biełarusi (na biełaruskaj movie); dla Biełarusi (na ruskaj movie); dla Rasii; dla anhłamoŭnaj aŭdytoryi (na anhielskaj movie).
Kamientary