Na radzimie jaho buduć sudzić zavočna.
Ułady Kyrhyzstana bolš nie buduć źviartacca z zapytam ab ekstradycyieks-prezidenta Bakijeva ź Biełarusi, jon moža być asudžany zavočna, zajaviŭ u aŭtorak, adkazvajučy na pytańni žurnalistaŭ,vice-prem jer Azymbiek Bieknazaraŭ, jaki kuryruje pravaachoŭnyja i sudovyja orhany.
U krasaviku ŭ Kirhizii adbyŭsia dziaržaŭny pieravarot, u vyniku jakoha ŭłada pierajšła ŭ ruki časovaha kaalicyjnaha ŭrada składajecca ź lideraŭ apazicyjnych partyj. Pry hetym zahinuli kala 90 čałaviek. Prezident Kurmanbiek Bakijeŭ pakinuŭ krainu i ŭciok u Minsk. Hienprakuratura Kyrhyzstana dvojčy źviartałasia da Biełarusi z patrabavańniem ekstradycyi byłoha prezidenta, jaki abvinavačvajecca na radzimie va ŭzurpacyi ŭłady i inšych złačynstvach. Minsk admaŭlaŭsia jaho vydać.
«My bolš nie budziem adpraŭlać zapytaŭ, bo sprava pierachodzić u sud», — zajaviŭ Bieknazaraŭ. Jon rastłumačyŭ, što Bakijeŭ i jaho najbližejšaje asiarodździe, u tym liku dvoje synoŭ, Marat i Maksim, a taksama brat Džanybiek mohuć być asudžanyja zavočna.
Tym časam prezident Kyrhyzstana Roza Atunbajeva padpisała ŭkaz ab zvalnieńni z pasady pasła ŭ Biełarusi Išenhul Bałžuravaj, jakaja była pryznačana na pasadu za časami Bakijeva.
Pamierła palitźniavolenaja Alena Pankova. Paŭhoda nazad jaje asudzili za ŭdzieł u pratestach7
Kamientary