Źmieny ŭ Biełarusi buduć źviazanyja z sacyjalnaj tematykaj

Pamiataju kolki 10 hadoŭ tamu vyklikała emocyjaŭ i reakcyi kožnaja palityčnaja pasadka. Ciapier usprymajecca, kali nie jak naležnaje, dyk z dumkaj, "a kolki ich (pasadak) napieradzie?"

Tyja, chto zajmajecca kulturnickimi (ale "nacyjanalistyčnymi") prajektami, usio čaściej prosiać ich nie "śviacić" (kab choć by dla svaich štości rabiłasia, paŭ/padpolna). "NN" (i nia tolki) rychtujecca da zakryćcia...

Na hetym tle ŭsio čaściej abviaščajucca nie-palityčnyja haładoŭki (taksisty ŭ Vaŭkavysku i Bieraści, pierahonščyk mašyn u Salihorsku; časam pierakryvajucca tarsparntnyja šlachi (Viełazavod, Zaliniejny rajon), časam abviaščajucca cichija strajki (Uździenski rajon i nia tolki). I paŭ-cichija -- fm-radyjo aficyjnych prafsajuzaŭ.

Pieršaja -- "nacyjanalistyčnaja" -- katehoryja hramadzianaŭ usio cudoŭna dla siabie vyrašyła, i ničoha (dobraha)ad ułady nie čakaje. A druhaja jak praviła apeluje da Ryhoryča.

Krychu niezrazumiełaja pazycyja ŭ neapratestantaŭ, jakija palityzavać svaju haładoŭku nia chočuć, maŭlaŭ, adstojvajem "ZAKONNAJE" prava. Ź inšaha boku, cudoŭna razumiejuć, što patrapili pad "ZAKON" pra niezarehistravanyja (čytaj -- niapravilnyja) palityčnyja i relihijnyja (u adnoj źviazcy!) arhanizacyi.

Čamuści nichto z palitykaŭ i analitykaŭ nie akcentuje ŭvahu na tym, što Respublika Biełaruś -- KAPITALISTYČNAJA dziaržava. Pa-prostu dziaržava jość hałoŭnym kapitalistam (manapalistam). A dziaržava -- "heta ja". U sensie JON. Ja viedaju niekalkich maładych (rehijanalnych) palitykaŭ, jakija sytuacyju nia tolki razumiejuć, ale pracujuć ź joju. Ale jany ŭ mienšaści.

Miarkuju, usio, što moža źmianicca nieŭzabavie ŭ Biełarusi kardynalna, źviazanaje z sacyjalnaj prablematykaj. Bo kapitalizm-manapalizm (asabliva biełaruskaha kamandna-adbałdzisckaha, zaležnaha ad blad... lubovi z RF varyjantu) rana ci pozna buksanie. I da JAHO pačnuć apelavać usio bolej. A JON nia zmoža davać rady. I voś kali ŭ IM rasčarujecca peŭnaja krytyčnaja masa, tady nastanie čas dla publičnych apazycyjnych palitykaŭ. I realnym lideram moža stać całkam niečakany dla analitykaŭ čałaviek.

Ja voś sprabuju zrazumieć, navošta IM spatrebilisia Krasoŭski, Finkievič, Daškievič i ŭsia moładzievaja kumpanija? Na moj pohlad, hetaja advažnaja kumpanija kali i daść plon, to zusim nie ŭ bližejšaj budučyni. Niebiaśpieki dla dziaržavy jany ŭjaŭlajuć značna mieniej, čym hapata, jakaja bje ludziej u elektryčkach, i jakaja demaralizuje hramadzianaŭ, i stvaraje ŭ hramadzianaŭ adčuvańnie dyskamfortnaha žyćcia ŭ RB.

Napeŭna ž IM treba adpracoŭvać zarobki, i stvarać pudziły, kab pabityja hapatoj hramadzianie viedali adkul sychodzić "sapraŭdny" dyskamfort.

Moj aptymizm pitajecca tym, što Ryhoryč tak i nie stvaryŭ anijakaj idealohii, aproč spažyvieckaj. Kali za Stalinym ludzi (nia ŭsie) hlinu jeli, ale vieryli ŭ śvietłuju budučyniu, dyk u 1990 rabaciahi ŭzbuntavalisia z-za padvojnaha padvyšeńnia koštaŭ. Bo pierad tym idealohija pieratvaryłasia ŭ marazm, a ludzi zachacieli śvietłaje ciapierašniaje -- spažyvieckaje.

U vypadku RB u marazm pieratvaracca asabliva niama čamu.

***

Choć narabić bolšaj biady JANY ŭsio-tki zmohuć, kali paśpiejuć.

• 0
• 0
• 0
• 0
• 0
• 0
• 0
• 0