5–6 kastryčnika ŭ Biełarusi projduć Dni navuki Hiermanii. Mierapryjemstva inicyjavana Dziaržaŭnym kamitetam pa navucy i technałohijach Biełarusi (DKNT) i Fiederalnym ministerstvam adukacyi i daśledavańniaŭ FRH (BMBF), paviedamlaje pres-słužba DKNT.
5 kastryčnika ŭ kanfierenc-zale Biełaruskaha dziaržaŭnaha ŭniviersiteta adbudziecca infarmacyjnaje mierapryjemstva «Navukovyja daśledavańni ŭ Hiermanii: partniorstva dziela budučyni». Pradstaŭniki navukovych arhanizacyj FRH pradstaviać infarmacyju ab dziejnaści svaich arhanizacyj, instrumientach i prahramach padtrymki dvuchbakovaha navukova-techničnaha supracoŭnictva. Prahrama mierapryjemstva praduhledžvaje prezientacyju paśpiachovych sumiesnych navukova-techničnych prajektaŭ i abmien mierkavańniami ab ramačnych umovach i mahčymaściach intensifikacyi navukova-techničnaha supracoŭnictva.
6 kastryčnika Niamieckaja słužba akademičnych abmienaŭ (DAAD) praviadzie ŭ Nacyjanalnaj akademii navuk Biełarusi Dzień maładych vučonych, padčas jakoha budzie pradstaŭlena infarmacyja pra mahčymaści supracoŭnictva pa linii DAAD.
FRH i Biełaruś majuć praciahły vopyt supracoŭnictva ŭ halinie navuki, technałohij i inavacyj, adznačajecca ŭ paviedamleńni pres-słužby DKNT. Sumiesnaja dziejnaść hruntujecca na dahavory ab raźvićci šyrokamaštabnaha supracoŭnictva ŭ halinie ekanomiki, pramysłovaści, navuki i techniki, padpisanym bakami ŭ 1993 hodzie, i ažyćciaŭlajecca navukova-daśledčymi arhanizacyjami, univiersitetami i pradpryjemstvami dźviuch dziaržaŭ.
Kamientary