Biełaruskija škoły pierachodziać na novuju sistemu navučańnia zamiežnym movam 9

Paviedamiŭ siońnia na pres-kanfierencyi namieśnik ministra adukacyi Kazimir Faryno.

Pierad nastaŭnikami zamiežnaj movy staić zadača ŭ pieršuju čarhu pryvić navučencam navyki inšamoŭnaj hutarki.

Na ŭrokach zamiežnaj movy va ŭsich škołach, himnazijach, licejach kłasy ciapier pieravažna padzieleny na try hrupy — ad 6 da 9 čałaviek u kožnaj. Z 2013 hoda ŭ škołach budzie ŭviedzieny abaviazkovy vusny ekzamien pa zamiežnaj movie.

«Viadoma ž, upłyŭ na jakaść vykładańnia movy akazvaje arhanizacyjna-mietadyčnaje zabieśpiačeńnie i padrychtoŭka vykładčykaŭ», — adznačyŭ Kazimir Faryno. Pavodle jaho słoŭ, usie piensijaniery, jakija zaprašajucca dla vykładańnia zamiežnych moŭ u škołach, abaviazany prajści kursy pierapadrychtoŭki i pavyšeńnia kvalifikacyi.

Bolšaść biełaruskich školnikaŭ vyvučajuć adnu zamiežnuju movu — anhlijskuju, niamieckuju, francuzskuju, ispanskuju abo kitajskuju. Himnazisty majuć mahčymaść vyvučyć jašče adnu movu na fakultatyŭnych zaniatkach. Pradstaŭniki nacyjanalnych mienšaściej mohuć dadatkova vyvučać movu svajoj nacyi. U ahulnaadukacyjnych ustanovach z 3-ha pa 11-y kłas zamiežnaja mova vyvučajecca ŭ abjomie troch vučebnych hadzin u tydzień, u himnazijach — u abjomie 5 vučebnych hadzin z 5-ha pa 9-y kłas, u 10-11-m kłasach fiłałahičnaha napramku — 5 vučebnych hadzin, u 10-11-m kłasach inšych napramkaŭ — 4 vučebnych hadzin.

0

0

0

0

0

0

BIEŁTA

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH