Na čempijanacie śvietu pa ciažkaj atletycy biełarusy zavajavali piać miedaloŭ
Na čempijanacie śvietu pa ciažkaj atletycy, jaki zaviaršyŭsia ŭ Turcyi 26 vieraśnia, biełaruskija spartsmieny zavajavali piać miedaloŭ — załaty, dva siarebranyja i dva bronzavyja.
U žanočaj vahavoj katehoryi da 58 kh Anastasija Novikava atrymała mały siarebrany miedal u ryŭku, mały bronzavy ŭ šturšku i siarebrany ŭ sumie dvajaborja. U mužčyn u katehoryi da 85 kh Siarhiej Łahun zavajavaŭ «zołata» ŭ šturšku i «bronzu» ŭ sumie dvajaborja (u ryŭku jon byŭ šostym).
Najbolšaja kolkaść uznaharod, u tym liku załatych, u štanhistaŭ Kitaja (14 załatych, 12 siarebranych, 6 bronzavych). U pieršaj piaciorcy pa jakaści miedaloŭ taksama Rasija (9, 8, 8), Kazachstan (5, 0, 1), Turcyja (4, 7, 4) i KNDR (3, 4, 3). Biełaruś — na vośmym miescy paśla Armienii i Polščy (pa 3, 1, 3).
U zaliku pa «vialikich» miedalach pieramoh Kitaj (4, 5, 2), za jakim iduć Rasija (3, 3, 2), Kazachstan, Polšča (pa 2, 0, 0), Turcyja (1, 3, 2), KNDR (1, 0, 2), Armienija (1, 0, 1), Iran (1, 0, 0), Biełaruś, Rumynija, Ukraina (pa 0, 1, 1), Hiermanija (0, 1, 0), Daminikanskaja Respublika, Jehipiet i Paŭdniovaja Kareja (pa 0, 0, 1).
Kamientary