«Abarona kaścioła Śviatoha Jazepa viernie nam vieru ŭ svaje siły»
Siońnia ŭžo piatnaccaty dzień, jak praciahvajecca štodzionnaja varta kala kaścioła Śviatoha Jazepa ŭ Minsku.Piatnaccaty dzień zapar dva-try dziasiatki nieabyjakavych ludziej źbirajucca pierad začynienym chramam.
Takoha raźvićcia padziejaŭ nie čakali navat arhanizatary. Mnohija mierkavali, što kampanija zhaśnie sama saboj praź niekalki dzion. Pryśpiešyć jaje skon sprabavali supracoŭniki siłavych strukturaŭ, adnak zatrymańni nie dali vyniku – i ludzi ŭ cyvilnym adno tolki nazirajuć za ludźmi voddal dy filmujuć na videakamieru.
Ludzi nie pierastajuć prychodzić da kaścioła Śviatoha Jazepa. Siońnia tut źbirajucca pradstaŭniki samych roznych arhanizacyj, a taksama niezaanhažavanyja asoby. Siońnia na hetym miescy vystupajuć kandydaty ŭ prezidenty ad roznych palityčnych siłaŭ. Siońnia tut supolna molacca pravasłaŭnyja, kataliki i pratestanty.
Piatnaccać dzion, jakija praciahvajecca kampanija – na pieršy pohlad, heta nie vielmi šmat. Ale i nie mała:
pasprabujcie pryhadać choć by adnu vuličnuju hramadskuju akcyju apošniaha dziesiacihodździa, jakaja ciahnułasia b stolki času.
Na pamiać prychodzić tolki lehiendarnaja abarona Kurapataŭ 2001-2002 hodu, kali biełaruskija hramadzianie 250 dzion baranili ad razbureńnia nacyjanalny miemaryjał. I abaranili! I siońnia Kurapaty viadomyja nie tolki vuzkamu kołu amataraŭ nacyjalnaj historyi, ale i paznačanyja na haradskich mapach i darožnych ukazalnikach.
Siońnia, kali nacyjanalny ruch raźjadnany, abarona kaścioła moža abjadnać nieabyjakavych i sumlennych biełarusaŭ.Tut źbirajucca ludzi z roznymi palityčnymi i relihijnymi pohladami. Nivodnaja z palityčnych siłaŭ nie zmoža “pryŭłaščyć”, zapisać na svoj rachunak hetuju akcyju. Tak było padčas abarony Kurapataŭ, tak było padčas Płoščy 2006-ha. I heta vielmi istotnaje śviedčańnie nacyjanalnaha adzinstva.
Nacyjanalny ruch u apošnija hady maje adno tolki padzieły, parazy i rasčaravańni. Tamu nadzvyčaj važna prykłaści ŭsie siły dla zmahańnia za viartańnie kaścioła Śviatoha Jazepa. Bo jość šancy na toje, što ŭłady vymušanyja buduć pajści na sastupki – i heta budzie našaj vialikaj pieramohaj!
Pieramohaj, jakaja viernie nam vieru ŭ svaje siły.
-
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli
-
Minsku treba vydušyć ź siabie pravincyjnaść i viarnuć nachabstva i blask Vialikaha Horada
-
Kamu jašče što moža stać treba «dla nacyjanalnaj biaśpieki» i jak tut być Biełarusi
Kamientary