Fota PAP.
Jak paviedamlaje infarmacyjny partał wp.pl, katastrofa adbyłasia, a šostaj hadzinie ranicy na niepadalok ad miastečka Novy Horad nad Pilicaj Hrajeckaha pavietu Mazavieckaha vajavodstva. U mikraaŭtobusie Folksvahien Transparcior jechała 18 čałaviek, jakija nakiroŭvalisia na zbor jabłykaŭ. Va ŭmovach abmiežavanaj bačnaści kiroŭca Folksvahiena vyjechaŭ na pałasu sustrečnaha ruchu i sutyknuŭsia z hruzavikom Volva. Kiroŭca fury praktyčna nie paciarpieŭ, a voś usie pasažyry folksvahiena ŭklučna z kiroŭcam zahinuli — 16 na miescy zdareńnia i dva ŭ špitali.
Polskaja palicyja paviedamlaje, što pryčyny zdareńnia pakul nie viadomyja. Adnak zaznačaje, što takaja vialikaja kolkaść achviar vyklikanaja pierahružanaściu mikraaŭtobusa, jaki paprostu nie byŭ prystasavany dla pieravozki ludziej. Rabočyja raźmiaścilisia ŭ im na zvyčajnych skrynkach i impravizavanych łaŭkach.
Aŭtavaryja la Novaha Horadu nad Pilicaj stała najbujniejšaj ŭ historyi Polščy. U Mazavieckim i Łodźskim vajavodstvach abvieščanaja trochdzionnaja žałoba.