Dvoryk BDU. Na infarmacyjnym stendzie — novy numar hazety “Biełaruski ŭniversytet”. Na adnoj z pałos vydańnia — fota rektara Vasila Stražava. Na fota prafesar Stražaŭ razam z namieśnikam ministra adukacyi Žukom prymaje ŭ ekspluatacyju vučebna-spartovy kompleks “Universytecki” na vuł.Kastryčnickaj. Takaja padzieja! Chacia kompleks nasamreč byŭ vielmi patrebny studentam BDU. Byŭ? Nie, jon i zaraz zapatrabavany, bo da ekspluatacyi VSK “Universytecki” tak i nie dajšło. Vyśvietliłasia, što rekanstrukcyja kompleksu, jakaja doŭžyłasia piać hadoŭ, tak i nie zavieršanaja. Vyśvietliłasia, ale heta nie pieraškodziła zamaŭčać fakt i zładzić čarhovy spektakl. A na kolki rekanstrukcyju budynka nie darabili? Nieviadoma. Chacia z taho, što studentaŭ nie puskajuć u harderob kompleksu navat pieraapranucca (heta davodzicca rabić na vulicy), možna mierkavać, usia praca jašče napieradzie.
