21 kastryčnika 2010 ŭ maskoŭskim kłubie Šanci adbyŭsia sumiesny kancert prajekta «U nieskładovaje» i hurtu «Pałac». Fota Dźmitryja Ziankoviča.
21 kastryčnika 2010 vypadkova daviedaŭsia pra biełaruskaje mierapryjemstva ŭ maskoŭskim ci to kłubie ci to restaracyi "Šanci" (miarkujučy pa interjery — ź indyjskim uchiłam). Novy biełaruskamoŭny prajekt "U nieskładovaje" stvaraŭsia z metaj muzyčnaha zachopu Masskvy (inicyjatar — R. Arłoŭ, eks-hitaryst J-Morc, syn piśmieńnika Uł. Arłova). Heta byŭ, zdajecca, druhi vystup hurta ŭ Maskvie, ale čamuści biez anijakaj rekłamy (navat na sajcie "Šanci" nie było źviestak) i ŭ miescy małaprydatnym dla takoj imprezy. Ale asabista dla mianie heta było vielmi navat zručna — možna było pabačyć viadomych ziemlakoŭ litaralna pobač i navat pavitacca :)
Razam z hurtom pryjechaŭ i litaraturny desant u vyhladzie maładoha paeta, kiraŭnika biełaruskaha PEN-Centra A. Chadanoviča (sprava ad čyrvonaj dzieŭčyny) i Uł. Arłova (druhi sprava). Taksama byŭ hurt «Pałac»!!!
«Ŭ nieskładovaje» nie maje stałaha składu. Prajekt kštałtu salanki. Hetym razam saliravali lidar hurta «Charli» Jaŭhien Čałyšaŭ (pravy) i lidar hurta «Dali» (levy). Zzadu vyhladvaje R. Arłoŭ, jaki taksama praśpiavaŭ adnu piesieńku — rep zamiest Pamidorava.
Sa śpiny — viadomy biełaruski skrypač «z rasijskim pašpartam» Karen Karapiecian. Fajny muzyka!
Tvorčaść hurta «Charli» mnie i raniej padabałasia. Žyŭcom Čałyšava bačyŭ pieršy raz — hołas sapraŭdy fajny, žartuje dobra, jak viadučy — fajny. Pamiataju, jak pa biełaruskim radyjo jon nie moh zrazumieć, čamu jon, rasijec pa nacyjanalnaści, vyvučyŭ movu i śpiavaje na joj, u toj čas jak «tytulnyja» śpievaki joj hrebujuć.
Chadanovič i udzielnik «Pałaca» (imia, na žal, nie viedaju, ale vielmi talenavity!)
Uł. Arłoŭ słuchaje tvory svajho syna :)
Vystupy muzykaŭ čarhavalisia z čytańniem vieršaŭ.
Utulna. Jak doma.
Arłova źmianiaŭ Chadanovič ź vieršami časam na hrani foła. Było viesieła!
Niekatoryja vieršy byli navat z muzyčnym akampaniemientam.
A potym, paśla «nieskładovych» i «vieršavanych», publiku zaprasili ŭ čyłaŭt-rum, dzie nastrojvaŭ instrumienty słavuty «Pałac»! Anansavałasia prahrama z DJ RAY, heta značyć techno folk modern music.
Hrali supier. Vielmi spadabałasia. Dahetul u takoj kamiernaj abstanoŭcy naziraŭ vystup biełaruskich muzykaŭ badaj što adnojčy, kali trapiŭ na «Krambambulu» ŭ minskaj internet-kaviarni.
Kab dunuć, dudaru davodziłasia rabić niekalki krokaŭ nazad.
Pry kancy vystupu sp. Aleh pažadaŭ usim nam, słuchačam, vučyć biełaruskuju movu, bo «žyviem ža ŭ sajuznaj dziaržavie»! My ščyra paabiacali, što budźma! :)
Karaciej, było vielmi dušeŭna i viesieła. Navat dranikami častavali achvotnych. I ŭvachod — volny. Moscow never sleeps!
Bolš fota tut.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)