U Biełarusi pačynajuć užyvać ałkahol usio ŭ bolš maładym uzroście,
paviedamiŭ zahadčyk adździeła narkałohii RNPC psichičnaha zdaroŭja Andrej Kapytoŭ 29 kastryčnika ŭ Minsku na respublikanskim sieminary «Aktualnyja prablemy zaležnych pavodzin».
Pavodle jaho słoŭ, kali jašče niekalki hadoŭ tamu ŭžyvać śpirtnoje pačynali paśla 15 hadoŭ,
zaraz ža ŭ klinikach usio čaściej sustrakajucca trynaccacihadovyja padletki, u jakich ałkaholnyja psichozy i ałkaholnyja epileptyčnyja prystupy.
«Heta nie ŭkładvajecca ŭ hałavie ŭ śpiecyjalistaŭ, jakija doŭha pracujuć u psichijatryi. Ab takich vypadkach nie havorycca ni ŭ adnym kłasičnym padručniku», — adznačyŭ lekar. U 50% vypadkaŭ maładyja ludzi, jakija ŭžyvajuć ałkahol, upieršyniu paspytali jaho ŭ svajoj siamji, skazaŭ Kapytoŭ. Razam z tym analiz narkałahičnaj słužby śviedčyć, što kali padletak pačynaje vypivać u kampanii małaznajomych ludziej, praces ałkahalizacyi idzie chutčej, i «maładyja ludzi chutčej śpivajucca».
Pavodle źviestak narkałahičnaj słužby, bolš vysokaja ryzyka trapić u ałkaholnuju zaležnaść u moładzi ź nizkim uzroŭniem adukacyi, a taksama ŭ tych, chto vychoŭvajecca ŭ siemjach, dzie abo abyjakava staviacca da dziaciej, abo, naadvarot, zanadta ich apiakujuć.
Kapytoŭ taksama adznačyŭ, što na pieršym miescy siarod matyvaŭ užyvańnia ałkaholu ŭ maładych ludziej znachodzicca asobasnaja matyvacyja. Padšturchnuć da ŭžyvańnia ałkaholu moža tryvoha, depresija.
«Čałavieku drenna, voś jon i vymušany ŭžyvać»,— skazaŭ lekar.
Jak praviła, toj, chto sistematyčna ŭžyvaje ałkaholnyja napoi da 18 hadoŭ, stanovicca ŭ budučyni ałkaholikam. Isnuje pramaja suviaź, adznačyŭ Kapytoŭ, pamiž rańnim užyvańniem ałkaholu i chutkaściu farmiravańnia zaležnaści ad jaho.
Padletki, jakija ŭžyvajuć ałkahol, nabyvajuć roznyja samatyčnyja zachvorvańni. Akramia taho, adznačyŭ Kapytoŭ, u 67% takich padletkaŭ — słabaja pałavaja kanstytucyja. Padletki, jakija pjuć, vykazvajuć nievialiki ŭ paraŭnańni sa svaimi adnahodkami intares da procilehłaha połu, majuć sieksualnyja rasstrojstvy. Pry hetym nazvanyja prablemy karelujuć z aktyŭnaściu ŭžyvańnia ałkaholu, zajaviŭ śpiecyjalist.
-
«Ja tolki adnaho chaču: kab vy pavieryli mnie znoŭ». Jak prajšła pieršaja akcyja Cichanoŭskaha ŭ Varšavie paśla vyzvaleńnia
-
U Lachavičach školnik padčas futbolnaha matča vyvieŭ na tabło niecenzurnaje słova. Jak jamu heta ŭdałosia?
-
Na papcy ŭ Śviatłany Cichanoŭskaj ciapier partret palitźniavolenaha žurnalista Andreja Pačobuta FOTA
Ciapier čytajuć
«Ja tolki adnaho chaču: kab vy pavieryli mnie znoŭ». Jak prajšła pieršaja akcyja Cichanoŭskaha ŭ Varšavie paśla vyzvaleńnia11
Kamientary