Pofała: «Było b nierazumna, kab ja rekamiendavaŭ apazicyi vyłučyć adzinaha»
Taksama kiraŭnik viedamstva kanclera FRH adznačyŭ, što ŭ Biełarusi pa-raniejšamu niama narmalnych pryncypaŭ dla svabodnych vybaraŭ.
Na hetym tydni Minsk naviedaŭ užo druhi niamiecki ministr. Spačatku z adnadzionnym vizitam u stalicy Biełarusi znachodziŭsia kiraŭnik źniešniepalityčnaha viedamstva Hida Viesterviele. Ciapier ža na «Minski forum» prylacieŭ kiraŭnik viedamstva kanclera FRH, Fiederalny ministr pa asablivych daručeńniach Ronald Pofała.
Užo palityk mieŭ sustrečy z kiraŭnikom Administracyi prezidenta Uładzimiram Makiejem, a taksama kandydatami ŭ prezidenty ad apazicyi. Pofała daloka nie pieršy raz u Biełarusi. Našaj krainaj jon zajmajecca ŭžo 15 hadoŭ. Jak kaža sam palityk, za hety čas u jaho stała niamała siabroŭ siarod biełarusaŭ.
Tamu situacyja ŭ Biełarusi dla Pofały dobra viadomaja. «Biełarusi jašče treba šmat naviorstvać u šlachu da pravavoj dziaržavy», — adznačyŭ ministr.
Jon zasiarodziŭsia na tym, što aficyjny Minsk musić pajści na admienu śmiarotnaha pakarańnia. «Śmiarotnaje pakarańnie dla nas nieprymalnaje, jaho nie pavinna być. Bujniejšaja pieraškoda Biełarusi ŭ šlachu da Jeŭropy — śmiarotnaje pakarańnie», — zaznačyŭ R.Pofała.
Hetaje pytańnie było zakranutaje padčas vystupu na «Minskim forumie», ale nijakaj reakcyi ad sp.Makieja nie było. Palityk adznačaje, što dla jaho śmiarotnaje pakarańnie nieprymalnaje, jak u Biełarusi, tak i ŭ ZŠA.
Pofała adznačaje peŭnyja zruchi padčas praviadzieńnia vybarčaj kampanii. Naprykład, volnaje źbirańnie podpisaŭ. Ale jon čakaje jašče bolšych krokaŭ — adsutnaść pieraškodaŭ u rehistracyi kandydataŭ, zbałansavany skład vybarčych kamisii, volnaje nazirańnie na vybarami.
«Stanoŭčaje raźvićcio bačym, ale narmalnych pryncypaŭ dla svabodnych vybaraŭ niama», — zaznačyŭ R.Pofała.
Ministr adznačyŭ, što padčas sustrečy z apazicyjaj nie abmiarkoŭvaje pytańnie vyłučeńnie adzinaha kandydata. «Takija prapanovy mahli b usprymacca, jak umiašalnictva va ŭnutranyja spravy. Svabodnyja vybary — heta nieabaviazkova dva kandydaty. Było b nierazumna, kab ja rekamiendavaŭ apazicyi vyłučyć adzinaha», — skazaŭ ministr.
Ronald Pofała adznačyŭ, što źbirajecca naviedać Biełaruś i naleta, kab abmierkavać vyniki prezidenckich vybaraŭ.
Ciapier čytajuć
Na vajskovyja zbory masava zabirajuć hrodziencaŭ. A što minčuki? Padrychtujciesia, vaša čarha — 2027‑2028 hady7
Na vajskovyja zbory masava zabirajuć hrodziencaŭ. A što minčuki? Padrychtujciesia, vaša čarha — 2027‑2028 hady
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2929
Kamientary