Biełaruś nie budzie nastojvać na pryznańni prezidenckich vybaraŭ Rasijaj. Ab hetym Alaksandr Łukašenka zajaviŭ u intervju bujniejšym ŚMI Hiermanii.
«Heta sprava Rasii — pryznavać ci nie pryznavać. Heta jaje prava, jaje suvierennaje prava.
I my da hetaha budziem stavicca ŭvažliva»,— skazaŭ kiraŭnik dziaržavy.
«Pa našych zakonach my nie majem patreby ni ŭ jakich pryznańniach. Vy paŭtara dziasiatka hadoŭ nie pryznavali naohuł taho, što isnuje takaja Biełaruś, nie kažučy ŭžo ab vybarach. Nu i što, my ad hetaha pamierli?» — adznačyŭ jon.
Alaksandr Łukašenka ličyć, što niama padstaŭ chvalavacca nakont taho, što Biełaruś i Rasija nie pakinuć u minułym roznahałośsi.
«Nie chvalujciesia, my damovimsia z Rasijaj, bo nam ad hetaha nikudy nie dziecca,bo my faktyčna adzin narod, my samyja blizkija narody — biełaruski i ruski, jakija praktyčna ničym nie adroźnivajucca adzin ad adnaho. Ale tolki pry adnoj umovie:
što na hetaj ziamli biełaruskaj jość dziaržava, jość narod, i heta — suvierennaja i niezaležnaja dziaržava z ułasnymi intaresami, i z nami treba ličycca i Hiermanii, i Rasii. Usio astatniaje sa śfiery «padabajecca — nie padabajecca»..
Biełaruski lider nie dumaje, što na raźvićci dvuchbakovych adnosin pamiž Biełaruśsiu i Rasijaj budzie niejak adbivacca toje, chto stanie na čale Rasii na vybarach u 2012 hodzie. «Heta niuans. Heta nieistotna. Ja dumaju, što, jak by my ni padabalisia adzin adnamu, prezidenty Biełarusi, Rasii, prem'
Što ž datyčycca prezidenckich vybaraŭ u Biełarusi, to, na dumku Alaksandra Łukašenki, u respublicy zališnie sprabujuć pierakanać ŭvieś śviet ŭ sumlennaści vybaraŭ. «Vy viedajecie, ja časam łaŭlu siabie na dumcy, što ja i maje kalehi,
užo zanadta my šmat sprabujem pierakanać vas u tym, što ŭ nas vybary byli sumlennymi i buduć sumlennymi,
— skazaŭ jon. — My sprabujem vas pierakanać jašče ŭ tym, što ŭ nas vybary projduć pa zakonu. Vam niešta nie padabajecca siońnia ŭ našych vybarach? Skažycie, dzie my parušyli Kanstytucyju i našy zakony? Kali takich parušeńniaŭ niama, to kali łaska pahadzicca z nami».
«Kali vy chočacie bačyć, što biełaje — heta čornaje, to, jak by ja vas ni pierakonvaŭ, vy budziecie spasyłacca ci to na terminałohiju, ci to jašče na
Alaksandr Łukašenka ličyć, što palityčnaja i ekanamičnaja sistema ŭ krainie pavinna stvaracca zychodziačy z realij jaje žyćcia. «Śviet vielmi raznastajny, tamu i formy prajaŭleńnia hetaj raznastajnaści absalutna roznyja. Čamu my pavinny być abaviazkova na vas padobnyja?! Nie viedaju.
U nas svaje tradycyi, u nas svoj mientalitet, u nas svoj narod, u nas svaje intaresy.
I zychodziačy z hetych arhumientaŭ i mnohich inšych, my budziem budavać svajo žyćcio i stvarać sistemy, u tym liku kiravańnia, ŭłady, i hetak dalej. Nie važna, pad jakimi terminami heta prahučyć. Usio pavinna pachodzić z kankretyki, z tych realij, u jakich znachodzicca dziaržava i hramadstva», — skazaŭ kiraŭnik dziaržavy.
«My stvaryli peŭnuju palityčnuju sistemu, u tym liku sistemu ŭłady, heta sistema moža vam padabacca, moža nie padabacca, ale jana takaja isnuje.
I, stvarajučy hetuju sistemu, my zychodzili z taho, jakija byli realii ŭ nas u krainie. My jaje nie dla niemcaŭ stvarali i nie dla taho, kab vam spadabacca. A dla taho, kab vyratavać svaju dziaržavu i svoj narod paśla taho, jak Saviecki Sajuz razvaliŭsia na kavałki. I tyja zadačy, jakija my pasprabavali vyrašyć, stvarajučy hetu sistemu, u tym liku zadačy ułady, my vyrašyli. I naša sistema evalucyjanuje, jana raźvivajecca. Moža być, nie tak chutka, jak chočacca niemcam, ale my raźvivajemsia takimi tempami, jakimi dazvalaje nam raźvivacca naša hramadstva i naša ekanomika», — skazaŭ biełaruski lidar.
