Viečaram 30 kastryčnika supracoŭniki AAPP Maskoŭskaha RAUS h. Bieraścia praviali pieratrus u pamiaškanni "Dziedziča".
Viečaram 30 kastryčnika supracoŭniki AAPP Maskoŭskaha RAUS h. Bieraścia praviali pieratrus u pamiaškanni "Dziedziča".
Jak śćviardžajuć milicyjanty, pa teł. "02" nieviadovy paviedamiŭ, što ŭ dadzienym pamiaškanni adbyvajecca bojka, čutny kryki. U hety čas u ofisie znachodziŭsia tolki Dzmitryj Šymanski - kiraŭnik Bieraściejskaj arhanizacyi Partyi BNF. Uvajšoŭšy ŭ pamiaškańnie, milicyjanty pačali cikavicca drukavanaj pradukcyjaj, jakaja tam znachodziłasia. Jany vyrašyli praviesci ahlad pamiaškańnia, u vyniku jakoha byli zabranyja 15 zajaŭ ab ustuplenni ŭ Partyju BNF, 500 čystych blankaŭ zajaŭ, 800 asobnikaŭ dakłada kamiteta pa pravach čałavieka AAN ab situacyi z pravami čałavieka ŭ RB. Zabrany taksama kala 50 asobnikaŭ biuleteniaŭ "Naviny BNF", "Moładź BNF", "Dziedzič", pa niekalki asobnikaŭ inšych vydańniaŭ.
Varta adznačyć, što milicyjanty pakazali sp. Šymanskamu pastanovu ab praviadzienni ahladu, u jakoj adsutničali imia i podpis prakurora, što pavinien sankcyjanavać ahlad pamiaškańnia. Jak śćviardžaje D.Šymanski, pa formie hety ahlad chutčej nahadvaŭ vobysk: adčynialisia šafy, sejf, stały:
- Dziejanni milicyjantaŭ buduć abskardžanyja ŭ prakuratury. Jany robiać usio dla taho, kab my nie mahli pracavać. Varta zatrymacca ŭ ofisie bolš čym na 15 chvilin, jak pryjaždžaje patrulnaja mašyna, - raspaviadaje D.Šymanski.
Vobšukam kiravaŭ načalnik AAPP Juryj Michajłavič Ściepusiuk. Adznačylisia ŭ chodzie śledčaha mierapryjemstva jahonyja namiesniki Alaksandar Uładzimiravič Tarasievič i Alaksiej Siamionaŭ. Za dziejańniami svaich padnačalenych padčas mierapryjemstva sačyŭ namiesnik načalnika UŬS Bieraściejskaha abłvykankama Aleh Mikałajevič Bandaruk.
Skandał u «Jeŭraopcie». 96‑hadovamu dziadulu nie dazvolili prysieści na kresła kala kasy20
Kamientary