Trup minčuka znajšli ŭ kantejniery dla śmiećcia

Ranicaj 13 listapada ŭ śmiećcievym kantejniery ŭ domie № 37 na vulicy Stachanaŭskaj u stalicy byŭ znojdzieny trup 48-hadovaha minčanina z nažavymi ranieńniami.

10 listapada mužčyna pryjšoŭ u hości da znajomych, vypivali. Praź niejki čas 42-hadovaja žančyna pajšła, a pamiž jaje 39-hadovym sužycielem i hościem usčałasia svarka, u vyniku jakoj haspadar kvatery zrabiŭ sabutelniku kala 10 nažavych ranieńniaŭ, ad čaho toj pamior. Dvoje sutak trup pralažaŭ u kvatery, a ŭ noč na 13 listapada sužycieli zaharnuli jaho ŭ polietylenavyja pakiety i koŭdru i vynieśli ŭ kantejnier dla śmiećcia.

Mužčyna i žančyna zatrymanyja. Śledčym adździełam prakuratury Minska raspačata sprava pa č. 2 art. 139 KK (zabojstva).

0

0

0

0

0

0

Viačasłaŭ Budkievič, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH