KUP «Mienskaja spadčyna» nakiravała ŭ Haspadarčy sud Miensku pazoŭ ab skasavańni damovy arendy pamiaškańnia ŭ budynku na vulicy Revalucyjnaj, 15 sa «Zhurtavańniem biełarusaŭ śvietu «Baćkaŭščyna». Faktyčna ž hetuju mižnarodnuju arhanizacyju vyhnali na bruk jašče ŭ žniŭni.
KUP «Minskaja spadčyna» nakiravała ŭ Haspadarčy sud Minska pazoŭ ab skasavańni dahavora arendy pamiaškańnia ŭ budynku na vuł. Revalucyjnaj, 15 sa «Zhurtavańniem biełarusaŭ śvietu «Baćkaŭščyna». Faktyčna ž hetuju mižnarodnuju arhanizacyju vyhnali na vulicu jašče ŭ žniŭni. Archivy, dakumienty, najbolš kaštoŭnyja knihi raźnieśli pa pryvatnych kvaterach siabry ŭpravy, meblu dy mienš kaštoŭnyja rečy — zachoŭvajuć pa haražach ich svajaki i znajomyja.
U žniŭni pa patrabavańni KUP “Minskaja spadčyna” «Baćkaŭščyna» vyzvaliła pamiaškańnie, kab nie zaminać praviadzieńniu rekanstrukcyi budynka. Rekanstrukcyja tak i nie raspačałasia, a bałansaŭtrymalnik rehularna vystaŭlaje rachunki za arendu i navat za vykarystańnie elektraenierhii ŭ vieraśni. U sumie za dva miesiacy «nahareła» 600 tysiač rubloŭ. Ale pakul u «Baćkaŭščyny» jość jurydyčny adras.
— Skasavańnie dziejučaj damovy arendy ciahnie za saboj pazbaŭleńnie Zhurtavańnia jurydyčnaha adrasu. Pazbaŭleńnie jurydyčnaha adrasu, u svaju čarhu, moža pryvieści da skasavańnia jurydyčnaj rehistracyi. A heta nie tolki ŭskładnić dziejnaść, ale moža pryvieści i da kryminalnaj adkaznaści za dziejańni ad imia niezarehistravanaj arhanizacyi, — patłumačyła «Salidarnaści» namieśnik staršyni arhanizacyi Nina Šydłoŭskaja.
Pa jaje słovach, pa rašeńni Savieta Ministraŭ Zhurtavańnie maje prava karystacca pamiaškańniem da 2018 hoda. Ale nastojlivaje patrabavańnie skasavać damovu arendy aznačaje, što dziaržava i nie dumaje vykonvać svaje abaviazki pierad “Baćkaŭščynaj”.
— Ciaham hetaha času my šukajem pamiaškańnie. Abyjšli ŭžo dzieści kala 80 adrasoŭ. Čaściej za ŭsio, daŭšy pa telefonie zhodu, padčas sustrečy budynkaŭtrymalniki paviedamlajuć, što znajšlisia inšyja arendatary albo što sami raptam adčuli patrebu ŭ hetym pamiaškańni, — havoryć Nina Šydłoŭskaja.
Pa usim vidać, vielmi niepažadanymi ličać tutejšyja ŭłady stasunki pamiž hramadzianami Biełarusi i dyjasparami za miažoj. Vypraŭlajuć «Baćkaŭščynu» u śviet.
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2929
Kamientary