Rasiejski surahat lohka pieraadolvaje miežy. Truciacca i hinuć ad adnoj i toj ža vadkaści rasiejcy, estoncy, łatyšy. U Biełarusi tolki pa aficyjnych źviestkach u bolnicy trapili 136 čałaviek, adnaho ź ich vyratavać nie ŭdałosia.
Biełaruskaj «Kamsamołcy» ŭdałosia vyśvietlić, što ŭ infekcyjnym adździaleńni smalavickaj bolnicy (pa źviestkach na paniadziełak) znachodziłasia 37 čałaviek, atručanych surahatnym ałkaholem. U milicyi kamentavać sytuacyju karespandentam hazety admovilisia. U Smalavickim RAUS paviedamili tolki, što ŭsčatyja dźvie kryminalnyja spravy i kanfiskavanaja vialikaja kolkaść śpirtaźmiaščalnaj vadkaści, zaviezienaj, vidać pa ŭsim, z Rasiei.
Tym časam u kramach Smalaviččyny harełki kupić niemahčyma – karespandenty ŭpeŭnilisia ŭ hetym na svaje vočy. Adnak u Smalavickim rajspažyvie ich zapeŭnili, što plan pastavak na kastryčnik vykanany, i tamu harełka ŭ kramach jość.
Hazeta pryvodzić statyctyku atručvańnia pavodle źviestak Ministerstva achovy zdaroŭja:
| Horad | Trapili ŭ bolnicu | Stan |
| Ašmiany | 55 čałaviek | 1 žančyna skanała.1 čałaviek znachodzicca ŭ ciažkim stanie |
| Barysaŭ | 6 čałaviek | Stan siaredniaj stupieni ciažkaści |
| Žodzina | 12 čałaviek | Stan chvorych zadavalnialny i siaredniaj stupieni ciažkaści |
| Smalavičy | 38 čałaviek | 1 čałaviek u ciažkim stanie |
| Połacak | 25 čałaviek | Zadavalnialnaja stupień ciažkaści |
| AHUŁAM | 136 čałaviek | 1 čałaviek skanaŭ. Dvoje znachodziacca ŭ ciažkim stanie |
Adnak niekalki zvankoŭ pa rajonnych bolnicach istotna dapoŭnili aficyjnyja źviestki. «Kamsamołka» vyśvietliła, što ŭ Maładečnie 4 čałavieki ŭ ciažkim stanie lažać u reanimacyi, jašče 15 čałaviek u stanie siaredniaj stupieni ciažkaści, a ŭ smarhonskuju bolnicu ź viosak na miažy z Ašmianskim rajonam pastupiła 6 čałaviek z taksyčnym hiepatytam.
«Vy ž razumiejecie, jaki kantynhient trucicca surahatam ałkaholu. Bahata chto navat nie razumieje ŭsioj surjoznaści svajho stanu i nia choča kłaścisia ŭ bolnicu. Davodzicca navat pa dvarach šukać chvorych i ŭhavorvać. Tak što novyja chvoryja napeŭna buduć jašče pastupać» – skazali «KP» ŭ ašmianskaj bolnicy.
Pavodle «Komsomolskoj Pravdy» v Biełoruśsii»
Rasiejski surahat dabraŭsia da Prybałtyki
U Łatvii špitalizavanyja kala 70 čałaviek, 11 ź ich znachodziacca ŭ duža ciažkim stanie, 8 skanali. Pavodle vysnovaŭ ekspertyzy, paciarpiełyja atrucilisia pojłam, źmiašanym ź śpirtu, dezynfekcyjnaj vadkaści dy srodku dla paliravańnia mebli. Palicyja zajaŭlaje, što padrobka trapiła ŭ Łatviju z sumiežnaj Pskoŭskaj vobłaści, dzie taksama patruciłasia bahata ludziej, – pieradaje 5 kanał. Stała taksama viadoma, što ŭ Estonii ad surahatnahu ałkaholu zahinuli 5 čałaviek.
«Radzima» surahatu: tysiačy zahinułych
U Rasiei tolki za 8 miesiacaŭ, jašče da pačatku vosieńskaj «surahatnaj epidemii», ad padroblenaj harełki zahinuli 26 tysiač čałaviek, paviedamlaje Utro.ru. Surahatnaj «epidemijaj» achoplenyja Pskoŭskaja, Irkuckaja, Vałhahradzkaja, Śviardłoŭskaja, Vałahodzkaja, Varoniežskaja, Ćviarskaja, Čalabinskaja, Biełharodzkaja vobłaści, a taksama Piermski kraj.
Na Pskoŭščynie abjaŭlenaja nadzvyčajnaja sytuacyja. U bolnicach kala 450 čałaviek, 16 skanali.
Irkuččyna: patrucilisia bolš jak paŭtysiačy čałaviek, 40 skanali.
Śviardoŭščyna: 200 patručanych.
Vałhahradčyna: pad 90 patručanych.
Čalabinščyna: 70 patručanych.
Biełharodčyna: 45 patručanych skanali.
Ličby paciarpiełych rastuć z kožnym dniom.
Pavodle infarmacyi Utro.ru, «Radio Svoboda».
