Bronzavy pryzior Alimpijady-2000 u Sydnei ciažkaatlet Hienadź Alaščuk złoŭleny na ŭžyvańni dopinhu. Stanoŭčy vynik dali abiedźvie proby kryvi ŭziatyja ŭ spartoŭca paśla sioletniaha čempijanatu śvietu ŭ polskim horadzie Ŭładzisłavava. Tamaka Hienadź staŭ pieramožcam. Takim čynam u jaho adbiaruć załaty medal čempijanatu śvietu.
Najchutčej Aleščuku pahražaje pažyćciovaja dyskvalifikacyja, bo jon užo adnojčy byŭ zaśpiety na ŭžyvańni zabaronienych preparataŭ – u 2004 hodzie, paśla inšaha suśvietnaha pieršynstva ŭ kanadzkim Vankuvery, i tady naš ciažkaatlet zavajavaŭ pryzavy metał. Tady jon byŭ adłučany ad spabornictvaŭ na 2 hady.
Treba adznačyć, što vypadki ŭžyvańnia dopinha ŭ ciažkaj atletycy, napeŭna, najbolš častyja z usich vidaŭ sportu. Razam z Aleščukom dyskvalifikacyja pahražaje jašče 11 spartoŭcam. Kiraŭnictva biełaruskaj zbornaj miarkuje, što dyskvalifikacyja Aleščuka źviazanaja z tym, što niekatorym ludziam vielmi b chaciełasia pazbavicca ad mocnaha supiernika napiaredadni Alimpijady-2008 u Pekinie. Trenery admaŭlajuć užyvańnie spartoŭcam dopinhu.
U hetym hodzie na dopinhu taksama byli złoŭlenyja kańkabiežka Anžalika Kaciuha i velasypedystka Zinaida Stahurskaja. I voś ciapier jašče adzin hučny skandał.
Fota sportnews.by
