Što pryciahnuła ŭvahu na feście «Chip-chop-vakacyi»? Toje, što hety ekzatyčny fest, pa-pieršaje, biełaruski, a pa-druhoje, pieršy.
Što pryciahnuła ŭvahu na feście «Chip-chop-vakacyi»? Toje, što hety ekzatyčny fest, pa-pieršaje, biełaruski, a pa-druhoje, pieršy.
Narodu ŭ nievialikim pamiaškańni było małavata, sotni čałaviek nie było – tamu katory ŭžo raz chaciełasia zapytacca: dzie moj, abiacany kožnamu ź pieršaj sotni pakupnikoŭ biletaŭ, dysk? Arhanizataram hetaha festu vystupiła Biełaruskaja muzyčnaja alternatyva, dy adrazu vidać było, što heta prajekt niaščodraha sponsara, bo bolš za pałovu hurtoŭ naahuł nie źjavilisia. A moža ich zaprasili jakraz u jakaści hledačoŭ? Ale nia ŭsie tak kiepska, bo prysutnyja vykanaŭcy mieli sapraŭdny zapał dy vymusili našu skandynaŭski strymanuju publiku ŭstać z dermatynavych kanap i padciahnucca da sceny.
Dobrańka ŭčuć, pra što čytajuć, było niaprosta praz kiepskuju akustyku. Biełaruskija chopiery, jak i rasijskija kalehi, choram niezadavolenyja «šerymi tvarami» vakoł siabie (Sila Slova). Ale zatoje narkotyki i achviary pieradozu – nia naša tema. Možna skazać, što rasiejskich reperaŭ abjadnoŭvaje «vulica», ź jakoj jany «pryjšli», a prysutnych biełaruskich – bieł. mova.
Siarod vykanaŭcaŭ paradavaŭ Hudvin nervovym, ale prafesijnym rucham i jakim-nijakim znajomstvam z klasykami: słovy «kab nia ŭmiorli» ci «na prastor, na šyroki prastor» majuć syhnalnaje značeńnie, i patryjot, kali ich čuje, ustaje dy kładzie ruku na serca. Dumaju, što rasiejskaha repera, cytavalnika ź Bialinskaha, zakidali b šapkami.
Nadzionnyja prablemy nie apynulisia pa-za ŭvahaj prysutnych: vykanaŭca Sheakspeare-MC pračytaŭ tekst z prypievam «hazu niama ŭ nas, hazu niama, ale bulba jo, ale torf jo» – i zarabiŭ šalonyja avacyi. A paśla byli nieabjaŭlenyja brejk-dansery, a potym ukraincy «Epicentar unii» – ich było try čałavieki, bolš pra ich skazać ciažka praź nierazborlivuju manieru čytańnia.
Apahiejem imprezy staŭ vystup «Čyrvonym pa biełamu», jaki chutka pieratvaryŭsia ŭ skit i treba była čuć, ź jakim zadavalnieńniem jany ŭsie skandavali ryfmu pamidoraff – f**k off. Fanahramka sabie hrała, udzielniki «Čpb» čytali sabie, chto viedaŭ słovy -- padpiavaŭ, a chto nia viedaŭ – prosta machaŭ rukami. Ja dumaju, heta byŭ katarsis. I hadzińnik prabiŭ dziaviatuju dy źjaviŭsia administratar, jaki skazaŭ: «Čamu tak mała vypili ŭ našym bary? Šoŭ skončana. Prychodźcie znoŭ».
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku9
Kamientary