Hienprakuratura znoŭ pałochaje ludziej babajem (19-m śniežnia)
U suviazi z vyniasieńniem aficyjnych papiaredžańniaŭ piaci kandydatam u prezidenty Hienieralnaja prakuratura zaklikała hramadzian vykonvać zakanadaŭstva ab masavych mierapryjemstvach.
Načalnik upraŭleńnia pa nahladzie za vykanańniem zakanadaŭstva i zakonnaści pravavych aktaŭ Hienprakuratury Pavieł Radzivonaŭ zajaviŭ u efiry biełaruskich telekanałaŭ, što padčas vystupleńniaŭ pa TB i radyjo «asobnyja kandydaty ŭ prezidenty, u pryvatnaści Sańnikaŭ, Niaklajeŭ, Ramančuk, Rymašeŭski i Statkievič» zaklikali svaich vybarščykaŭ «prybyć
Pavodle słoŭ Radzivonava, praviadzieńnie masavaha mierapryjemstva 19 śniežnia rehłamientujecca zakanadaŭstvam ab masavych mierapryjemstvach, pakolki «ŭžo niama ahitacyjnaj kampanii». Pavodle zakona ab masavych mierapryjemstvach, «arhanizatary masavaha mierapryjemstva abaviazanyja nie mienš čym za 15 dzion da jaho praviadzieńnia padać adpaviednuju zajavu ŭ Minharvykankam». «Adnak da hetaha času jana ŭ Minharvykankam tak i nie pastupiła, — adznačyŭ Radzivonaŭ. — Uličvajučy takuju akaličnaść, Hienieralnaj prakuraturaj abjaŭleny aficyjnyja papiaredžańni pra niedapuščalnaść parušeńnia zakanadaŭstva ab masavych mierapryjemstvach».
«Udzieł u niesankcyjanavanych masavych mierapryjemstvach moža ciahnuć
adkaznaść u adpaviednaści z Kodeksam ab administracyjnych pravaparušeńniach, — padkreśliŭ pradstaŭnik Hienprakuratury. — Meta našaha aficyjnaha papiaredžańnia — jakraz nie dapuścić parušeńnia zakanadaŭstva, i my zaklikajem hramadzian stroha vykonvać dziejučaje zakanadaŭstva».
Varta adznačyć, što Statkievič i Rymašeŭski papiaredžanyja paŭtorna: pieršy raz Hienprakuratura papiaredžvała ich za zaklik da vybarščykaŭ pryniać udzieł u niesankcyjanavanaj akcyi na Kastryčnickaj płoščy 24 listapada.
Ciapier čytajuć
Jak u halečy śpivałasia radnia Łukašenki? Małaviadomyja fakty49
Kamientary