Rasspažaŭnahlad nie ŭvodziŭ nijakich abmiežavańniaŭ na ŭvoz u Rasiju małočnaj pradukcyi ź Biełarusi, zajaviŭ RIA Novosti hałoŭny dziaržaŭny sanitarny lekar RF Hienadź Aniščanka.
Takim čynam jon abvierh infarmacyju, raspaŭsiudžanuju 9 śniežnia šeraham
«Rasijski bok nie ŭvodziŭ nijakich abmiežavańniaŭ na ŭvoz małočnaj pradukcyi, vyrablenaj na terytoryi Biełarusi», — zajaviŭ Aniščanka.
Na jaho dumku, «sam fakt źjaŭleńnia hetych niepraŭdzivych paviedamleńniaŭ u suviazi z padziejami, što adbylisia napiaredadni, i najbližejšymi palityčnymi padziejami ŭ Biełarusi» znachodzicca «daloka za miežami našaj prafiesijnaj dziejnaści i maje svajoj zadačaj, chutčej za ŭsio, stvareńnie napružanaści ŭ adnosinach pamiž dźviuma krainami».
Rasspažyŭnahlad «vyvučaje mahčymaść jurydyčnaha pieraśledu tych vydańniaŭ, jakija apublikavali hetuju infarmacyju», paviedamiŭ Aniščanka.
Jak adznačajecca ŭ paviedamleńni, raźmieščanym na sajcie Rasspažyŭnahladu, słužba sumiesna z kalehami ź Biełarusi i Kazachstana zabiaśpiečvaje «płanamiernuju rabotu pa realizacyi pahadnieńnia Mytnaha sajuza pa sanitarnych mierach, uklučajučy vykarystańnie adzinych rehłamientaŭ nahladu, harmanizacyju patrabavańniaŭ da pradukcyi, prymianieńnie adzinaha paradku acenki biaśpieki tavaraŭ».
«Usio heta źjaŭlajecca nadziejnym miechanizmam, jaki zabiaśpiečvaje vytvorčaść i pastaŭku nasielnictvu biaśpiečnaj pradukcyi, pamianšeńnie administracyjnych barjeraŭ, stvareńnie spryjalnaha inviestycyjnaha klimatu na terytoryi Mytnaha sajuza», — padkreślivajecca ŭ paviedamleńni.
Ciapier čytajuć
Pamierła palitźniavolenaja Alena Pankova. Paŭhoda nazad jaje asudzili za ŭdzieł u pratestach7
Kamientary