Pamočnik Miadźviedzieva nie kamientuje biełaruskich padziej, daŭ pstryčku pasłu
«Kab usie rasiejskija hramadzianie byli vyzvalenyja, a rasśledavańnie nasiła abjektyŭny charaktar», — zapatrabavaŭ jon.
«Pa-pieršaje, kvalifikacyja padziej, što adbylisia ŭ Minsku, z boku biełaruskich uładaŭ nam viadomaja; kamientary tut, jak havorycca, zališnija, — paviedamiŭ žurnalistam pamočnik prezidenta RF Siarhiej Prychodźka. — U toj ža čas, ciapier samaje hałoŭnaje, kab usie zatrymanyja rasiejskija hramadzianie byli vyzvalenyja, a rasśledavańnie nasiła sapraŭdy abjektyŭny i niepraduziaty charaktar», — adznačyŭ pamočnik prezidenta.
«Pa-druhoje, chacieŭ by padkreślić, što ŭ kruh niepasrednych abaviazkaŭ pasła, roŭna jak luboj rasijskaj zamiežnaj ustanovy, uvachodzić poŭnaja, naležnaja i biezumoŭnaja abarona zakonnych pravoŭ i intaresaŭ usich, biez vyniatku, hramadzian Rasii», — skazaŭ S.Prychodźka.
«Pasolstva RF u Minsku maje dakładnaje ŭkazańnie aktyvizavać adpaviednuju pracu», — zajaviŭ jon.
Źviartaje ŭvahu, što Prychodźka, jak i Miadźviedzieŭ raniej, nie asudzili dziejańni apazicyi.
Pa-druhoje, ukazańni pasłu vyhladajuć jak krytyka jaho inertnaści. Raniej siońnia pasoł Surykaŭ nazvaŭ pieramohu Łukašenki «prahnazavanaj», a z apazicyi pakpiŭ. Što da zatrymanych rasijan, dyk jon paličyŭ, što jany byli sapraŭdy parušyli biełaruskaje zakanadaŭstva.
Kamientary