MZS Vienhryi: nieabchodnyja sankcyi suprać pradstaŭnikoŭ biełaruskaha režymu
Kiraŭnik MZS Vienhryi, jakaja ciapier staršyniuje ŭ Jeŭrasajuzie, Januš Martoni vystupaje za ŭviadzieńnie sankcyj u dačynieńni da biełaruskaha režymu.
U toj ža čas, jon pakul nie vyklučyŭ udzieł Biełarusi ŭ samicie «Ŭschodniaha partniorstva».
«Ja asabista vystupaju za sankcyi, ale heta pavinny być sankcyi, jakija kranuć pradstaŭnikoŭ režymu, a nie prostych hramadzian», — zajaviŭ Martoni. Jon padkreśliŭ, što «rasčaravany i šakavany» tym, što adbyłosia ŭ Minsku paśla prezidenckich vybaraŭ 19 śniežnia.
Kažučy pra «Ŭschodniaje partniorstva», ministr nahadaŭ, što dva hady tamu Biełaruś udzielničała ŭ samicie, ale nie na samym vysokim uzroŭni. «My pavinny znajści hnutkaje rašeńnie hetaha pytańnia», — zajaviŭ jon.
Kamientary