Siońnia byŭ zatrymany homielski aktyvist Kastuś Žukoŭski. Supracoŭniki milicyi skłali na jaho pratakoł za drobnaje chulihanstva. Zaraz maje adbycca sud.
Jak paviedamiŭ Žukoŭski, la budynka KDB jon čakaŭ svaich siabroŭ, jakich vyklikali na dopyt supracoŭniki Kamiteta dziaržbiaśpieki. «Ja byŭ ź videakamieraj i zdymaŭ pomnik Fieliksu Dziaržynskamu. Da mianie padyšli nieviadomyja, jakija nie pradstavilisia, vierahodna, supracoŭniki śpiecsłužbaŭ, i zabaranili mnie zdymać, a taksama stali pahražać, a zatym zatrymali. Ja vyklikaŭ milicyju, kab jana mianie abaraniła. U vyniku mianie zavieźli ŭ aporny punkt», — prakamientavaŭ aktyvist.
Na jaho byŭ składzieny administracyjny pratakoł za drobnaje chulihanstva. Vierahodna, z apornaha punkta milicyi Žukoŭskaha adviazuć u sud.
Tym časam va UKDB praciahvajucca apytańni aktyvistaŭ apazicyi. Siońnia va UKDB byli vyklikany hamialčanie, jakija ŭdzielničali ŭ zbory podpisaŭ za Andreja Sańnikava, a taksama lidar abłasnoj arhanizacyi niezaležnaha prafsajuza REP Viktar Kazłoŭ i aktyvist hramadzianskaj kampanii «Havary praŭdu!» Siarhiej Dvarecki.
Kamientary