12 śniežnia ŭ klubie «Juła»
Svajo trochhodździe partał «Tuzin Hitoŭ» vyrašyŭ adznačyć vydańniem čarhovaha dysku – «Premjer Tuzin 2006» i vialikim kancertam, pryśviečanym tvorčaści Michała Aniempadystava. Rok-paet i mastak staŭ na «Tuzinie Hitoŭ» čałaviekam hodu, jon aŭtar tekstaŭ adrazu dvuch hałoŭnych biełaruskich hitoŭ – «Aŭtabijahrafii» (Ihar Varaškievič i Lavon Volski) i «Śviatła ŭ ciemry» (IQ48). 12 śniežnia ŭ klubie «Juła» budzie vialiki kancert «Benifest Michała Aniempadystava».
«Benifest» – niešta siaredniaje miž benefisam, manifestam i festyvalem. Vieści jaho budzie sam hieroj hodu. «Takoha maštabnaha tvorčaha viečara ŭ mianie jašče nie było, – pryznajecca Michał. – Tamu ja zaprasiŭ svaich siabroŭ-muzykaŭ, i ŭ jakaści vykanaŭcaŭ, i ŭ jakaści haściej». Prahučyć roznaja muzyka, ale Aniempadystaŭ abiacaje zrabić tak, kab źmiena stylaŭ dapamahała słuchać, a nie zaminała. Siarod udzielnikaŭ buduć Kasia Kamockaja, Źmicier Vajciuškievič, Ihar Varaškievič, prajekt «Narodny albom». «IQ48» zaśpiavaje nia tolki «Śviatło ŭ ciemry», ale i novuju pieśniu na vierš Aniempadystava. «Apple Tea» akramia svajoj džazavaj prahramy, rychtujecca syhrać hałoŭny hit sezonu na TH – «Aŭtabijahrafiju». Hetaja pieśnia, darečy, ŭpieršyniu prahučyć žyŭcom u Biełarusi.
12 śniežnia adbudziecca i reliz novaha dysku –«Premjer Tuzin-2006», u jaki ŭvojduć najlepšyja pieśni sezonu, jakija abirali naviedniki i eksperty hit-paradu. Siudy ŭvojdzie usio samaje lepšaje z taho, što hučała ciaham dzieviaci miesiacaŭ na «Tuzinie Hitoŭ».
