Hieneralnaja prakuratura Biełarusi pravieryć paradak vykanańnia zakonnaści pry raśśledavańni kryminalnaj spravy pra padziei 19 śniežnia, pierad tym, jak heta sprava budzie nakiravanaja ŭ sud. Pra heta zajaviŭ žurnalistam hienprakuror Ryhor Vasilevič.
Hienprakuror adznačyŭ, što raśśledavańniem kryminalnaj spravy ab masavych biesparadkach zajmajecca «śledčaja hrupa, u jakuju ŭvajšli supracoŭniki MUS i KDB», pieradaje Interfaks.
«Dadzienaja kryminalnaja sprava znachodzicca ŭ vytvorčaści śledčaj upravy HUUS Mienska, a nahlad za raśśledavańniem viadzie prakuratura Mienska», — paviedamiŭ Vasilevič.
Adnosna dostupu advakataŭ da abvinavačanych, hienprakuror adznačyŭ, što kožnaja asoba, jakaja znachodzicca pad śledztvam, maje prava na advakata, abvinavačanyja i padazravanyja pavinny być zabiaśpiečany advakatami.
Jon paviedamiŭ, što «31 śniežnia pradstaŭnik Hienprakuratury Biełarusi naviedvaŭ u SIZA KDB zatrymanych pa hetaj spravie, skarhaŭ nie pastupała».
Pavodle Vasileviča, što «taja asoba, jakuju naviedvaŭ pradstaŭnik Hienprakuratury, padpisała papieru pra toje, što ŭ jaho niama skarhaŭ».
Zakranajučy pytańnie pra pakazańni abvinavačanymi, Vasilevič adznačyŭ, što «jany majuć prava nie davać pakazańni, davać tyja pakazańni, jakija ličać mahčymymi».
Ciapier čytajuć
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii2
Kamientary