Dačkaeks-kandydata na vybarach prezydenta Biełarusi, viaźnia KDB Uładzimiera Niaklajeva na staronkach rasiejskaj «Novoj haziety» składaje dapamožnik dla dziaciej represavanych.
«Kali vašaha baćku dziaržava pabiła da straty prytomnaści, a potym kinuła ŭ turmu, lepš za ŭsio, kali vam na hety momant bolš troch hadoŭ ad rodu. Tamu što kali vam try hady — vy naohuł ničoha nie zmožacie zrabić. Vy budziecie siadzieć moŭčki ŭ kucie, pakul u vašym dziciačym pakoi budzie prachodzić pieratrus. Niejkija ludzi vam buduć havaryć, što tata i mama «źjechali, ale abaviazkova viernucca». A kali za vami pryjduć, kab uziać u zakładniki i vykarystoŭvać suprać vašych ža baćkoŭ — vy navat naŭrad ci zrazumiejecie, što adbyłosia. Adzinaja mahčymaść vykazać pazycyju ŭ vašaj sytuacyi — heta nie raŭci. Što i robić Danik, syn Andreja Sańnikava i Iryny Chalip. Biarycie z Danika prykład. Danik — sapraŭdny syn pieramožcaŭ», — piša Eva Niaklajeva.
«Usio čaściej u tym, što našym baćkam robiaćvielmi-vielmi baluča, vinavatyja nie padpityja kryminalniki z rajona, a dziaržava.
Pahladzicie na vašych baćkoŭ i praviadzicie nievialiki test. U vašaha baćki balić serca za krainu? Heta minus 1. Jon narmalny čałaviek i choča niešta źmianić? Minus 1. Udzielničaje ŭ hramadzkich ci palityčnych ruchach? Dakładna minus 1. Pry hetym, jon viadomy i pavažany čałaviek? Jašče minus 1.
Pry nabory ad minus dvuch bałaŭ pačynajcie rychtavacca. Rana ci pozna, za tatam pryjduć.
Majho baćku bili pa hałavie i pakinuli lažać biez prytomnaści ŭ śniezie. Potym jaho ciahnuli pa padłozie z łožka ŭ reanimacyi, a jaho žonku trymali, pakul jana kryčała ab dapamozie. Voś užo miesiac jaho, źbitaha, trymajuć u turmie i nie dapuskajuć da jaho navat advakata.
Ja im vielmi hanarusia. Hetak ža, jak hanarusia Sańnikavym i Chalip i ŭsimi tymi, čyje imiony składajuć doŭhi śpis ludziej, napałochanych dziaržavaj.Heta ž jak treba pierapałochacca, kab voś tak bajaźliva napaści na ich
Dziŭna, što da hetaha času nie było vydadziena karotkaha dapamožnika ab tym, što rabić, kali tvoj baćka stanovicca viaźniem sumleńnia. Jano b zaraz šmatlikim ludziam spatrebiłasia. Našaje pakaleńnie, niesumnienna, vypravić heta pamyłku — ja tolki spadziajusia, što nastupnamu pakaleńniu jon ŭžo nie spatrebicca.
-
Režym Łukašenki časova stanie mienš ahresiŭnym da susiedziaŭ, ale stratehična budzie imknucca da avałodańnia atamnaj zbrojaj
-
«Znajšli krajniaha», a «pastaviać sałdafona jakoha-niebudź». U sacsietkach adreahavali na zvalnieńnie kiraŭnika «Minsktransa»
-
Cyhankoŭ: Nie padazravaŭ, što Babaryka źjaŭlajecca prychilnikam sacyjalizmu — mary siaredniaha čałavieka
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii12
Kamientary